වෘෂභ ලග්න හිමියෝ තම පණටත් වඩා විවාහය රකිති

 වංචාවක් කළොත් පන්න පන්නා පලි ගනී

 දම් පැහැය වාසනාව ගෙන දේ

 මවුවත් ගුණයෙන් පිරිපුන්ය

ආලයට ශෘංගාරයට අධිපති සිකුරුගේ රාශියක් වන වෘෂභය ඉතා චමත්කාර ජනකය වෘෂභයකුගේ සංකේතයක් හිමිවන නමුත් ඉතා බුද්ධිමත් අධිෂ්ඨානශීලි ස්ථිර ගතිපැවතුම් ඇති පුද්ගලයෝ මෙයින් උපත ලබති. ලෙහෙසියෙන් නොරැවටෙන එමෙන්ම සකසුරුවම් චරිතයකි. සෙනසුරු කාට වින කළත් වෘෂභ ලග්න හිමියාට නම් ඉටු ‍ෙදවියෙකි. විචිත්‍ර වර්ණ සහ දම් පැහැය වාසනාව ගෙන දේ. ආදරය හමුවේ තම සහකරු හෝ සහකාරිය වෙනුවෙන් ජීවිතය පරදුවට තබා කැපවෙයි. එහෙත් ආදරය හමුවේ අනෙකා වංචාවක් කළ හොත් පන්න පන්නා පලිගනී.

වෙහෙස නොබලා ඕනෑම කටයුත්තක යෙදීමේ හැකියාවෙන් අනූනය. ආගම ධර්මය මෙන්ම සංගීතය චිත්‍ර නැටුම් ආදී විෂයන්ට අධික ඇල්මක් දක්වයි. වෘෂභ ලග්නයෙන් ස්ත්‍රීන් මවුවත් ගුණයෙන් පිරිපුන් වන අතර ඉතා ඉක්මනින් සතුටට පත්වේ. උපන් වෘෂභ රාශිය රාශි මණ්ඩලයේ දෙවන රාශියයි. ගොනෙකුගේ ස්වරූපයට විහිදුනු තාරකා මණ්ඩලයකින් සැදුනේ වෙයි. එය ද පිටින් උදාවන ආකාරයක් පෙන්වයි. එහෙයින් පිටින් උදාවන රාශියකි. ස්ථීර රාශියකි. රාත්‍රී බල රාශියකි. ස්ත්‍රී රාශියකි . පෘථිවි රාශියකි

වෘෂභ රාශියෙහි උපන්නවුන්ගේ බෙල්ල මහත්ය. තරමක් ස්ථූල වූ ශරීරයෙකි. වැගිරෙන ස්වරූපය ඇත. සෙම් අධිකය. වෘෂභය අයිති සිකුරාටය. සිකු‍රුගේ ඇතැම් ගති ලක්ෂණ පිහිටයි.

වෘෂභ ලග්නයේ උපන් අය ශරීරය මෙහෙයවා කටයුතු කිරීමට දක්ෂ නැත. එසේ නොකරයි. සිකුරු ග්‍රහයා මෙන් විසිතුරුව ඇඳීමට පැළැදීමට ජේත්තුවට සිටීමට කැමති වේ. සැප විඳීමට ප්‍රිය වේ. එහෙත් තමන්ට කැමති දෑ ලැබෙන තෙක් එය කරගෙන යාමට දක්ෂ වේ. ඉක්මණින් නොනැමෙ‍න අදහස් ඇති වේ. යමක් හිතේ තබාගෙන සිටීමට දක්ෂය. එය වේලාවට එළියට දැමීමට ද දක්ෂය. මිල මුදල් සම්බන්ධයෙන් ඉතා සකසුරුවම් සහිතය. ඇතැම්විට ලෝභී යි කීව ද වරදක් නොවේ. එහෙත් වෛවාරණ ඇඳුම් පැළඳුම් වලට ද ගේ දොර ලස්සනට පිළියෙල කිරීමටද මල් වැවීමට ද ලෝභි නැත.

ඒ සදහා වියදම් කරයි. අනෙකුත් කටයුතුවලදී ලෝභී වෙයි. අන්‍යයන් සඳහා වියදම් කිරීමට ලෝභී වේ. පහසුවෙන් යහළුවන් ඇති කර නොගනී. තමා නොදන්නා බව පිළි නොගනී. දන්නා අයෙක් සේ කථා කරයි. ස්වභාව සෞන්ධර්යට ප්‍රිය වේ. එහෙයින් නගරබද වාසයට, ගංඟා, කඳු ගස්වැල් සහිත ප්‍රදේශවල වාසයට ප්‍රිය වේ. තම අදහස් ලෙහෙසියෙන් අත් නොහරී. නොනැමෙන සුළුය. අනුන්ගේ අදහස්වලට අනුව කටයුතු කිරීමට කැමති නැත. විරුද්ධ කාරයින් ඉදිරියේ හිස නැමීමට සූදානම් නැත. එහෙත් කවුරුත් සමඟ සිනහ මුවින් කථාකරයි. ප්‍රීතියෙන් සිටියි. සටනට එතරම් කැමැත්තක් නොදක්වයි. කාටත් කරුණාවන්තව සිත් ඇදී යන ආකාරයට කථා කරයි. මෙහි ඇති දුර්වලකම නම් ප්‍රමාණයට වඩා සැප සම්පත්වලට ගරු කිරීමත් අගය කිරිමත්.

තරමක් ලෝබී වීමෙන් අනවශ්‍ය වියදම් ඇති වීමත් ය. අනවශ්‍ය සතුරන් ඇති කර ගැනීමත්ය. මෙහිදී සෙම් රෝග පහසුවෙන් ඇති වේ. උගුරෙ වායු ගෙඩි, සෙම් ගෙඩි, නිතැතින්ම ඇති වේ. දූෂිත වීම නිසා ඇතිවන රෝග ද වෙයි. ඇතිවන රෝග බලා ප්‍රතිකාර කල යුතුය.

 

අදහස්

CAPTCHA
This question is for testing whether or not you are a human visitor and to prevent automated spam submissions.
9 + 4 =
Solve this simple math problem and enter the result. E.g. for 1+3, enter 4.