HOLLYWOOD | සිළුමිණ

HOLLYWOOD

‘ප්ලේබෝයි’ නිර්මාතෘ මියයයි

ඇමෙරිකාවේ ප්‍රධාන මාධ්‍ය දහරාවට ‘‍ප්ලේබෝයි’ නම් වූ ආන්දෝලනාත්මක සඟරාව හඳුන්වා දුන් හියු හෙෆ්නර් පසුගියදා මිය ගියා. ‘ප්ලේබෝයි’ ප්‍රකාශනය අඩනිරුවත සහ ශෘංගාර එක්කළ සඟරාවක් ලෙස ප්‍රසිද්ධියට පත්වුණා‍. මිය යනවිට 91 වැනි වියෙහි පසුවූ හෙෆ්නර් 1953 දීයි මේ සඟරාව ආරම්භ කළේ.

“මාධ්‍ය ලෝකයේ පුරෝගාමියකු හැටියට මගේ පියා ගත කළේ අසාමාන්‍ය සහ විරෝධයන්ට මුහුණ දුන් ජීවිතයක්. ඔහු නිදහස් මත ප්‍රකාශනයට, සිවිල් අයිතිවාසිකම්වලට සහ ලිංගික නිදහස වෙනුවෙන් පක්ෂව කතා කළා. ඔහුගේ ‘‍ප්ලේබෝයි’ ප්‍රකාශන වෙනුවෙන් නිර්මාණය වූ වෙළෙඳ ලකුණ කාගේත් මතකයේ රැදේවි” යැයි හෙෆ්නර්ගේ පුත්‍රයකු වන කූපර් හෙෆ්නර් පැවසුවා. ‘එස්ක්වයර්’ සඟරාවේ සහකාර පිරිස් කළමනාකරුවකු ලෙස ද ඉන් පසුව එහිම ප්‍රවර්ධන පිටපත් රචකයකු ලෙස ද සේවය කළ හෙෆ්නර්, එයින් ඉවත් වූයේ තමන්ගේ ම සඟරාවක් ප්‍රකාශයට පත් කිරීමේ අරමුණින් යුතුවයි. ඒ සඟරාව තමයි ‘‍ප්ලේබෝයි.’

 


ලයනල් රිචී දුකෙන්

එදා මෙන් ම අදත් ගීත රසික පරපුර අතර ප්‍රසාදය දිනාගත් ජනප්‍රිය ගායක ලයනල් රිචී මේ දිනවල කාලය ගත කරන්නේ කනස්සල්ලෙන් යුතුවයි. ඔහුගේ දියණියගේ පෙම් සබඳතාව ගැන සැබෑ තොරතුරු හෙළිවීම නිසයි ලයනල් රිචී මෙලෙස දොම්නසින් සිටින්නේ‍. සොෆියා රිචී, ඔහුගේ දියණියයි. තවමත් 19 වැනි වියෙහි පසුවන ඇය නිරූපණ කලාවට යොමුවී සිටිනවා. ජනප්‍රිය ශිල්පිනියක ලෙස ඉදිරියට පැමිණෙමින් සිටින ඇය ස්කොට් ඩිසිත් සමඟ පෙම් සබඳකමකට මුල පුරලා. ඔහු ඇමෙරිකානු රූපවාහිනි වැඩසටහන් ඉදිරිපත් කරන ශිල්පියකු ලෙස ජනප්‍රියත්වයක් දිනා සිටිනවා.

ස්කොට්ගේ වයස අවුරුදු 34 යි. ඔහු ජීවිතය ගත කරන අයුරු පිළිබඳව ලයනල් රිචී තුළ කිසිම පැහැදීමක් නැතිලු. ස්කොට්, නොයෙකුත් කාන්තාවන් සමඟ සබඳකම් පවත්වන බවත්, මත්පැන්වලට ඇබ්බැහි වූ අයකු බවත් රහසක් නොවෙයිලු. ඔහු කෙතරම් දුරට මත්පැන්වලට ලොල්වූවකු ද කිවහොත්, ඔහුට අක්මා රෝගයක් ද වැලඳී ඇතැයි පැවසෙනවා. තම දියණිය මෙන් දෙගුණයක් වයසැති ස්කොට් වැනි සල්ලාල‍යකු ඇයට කොහෙත්ම නොගැළපෙන බවයි ලයනල් රිචී පවසන්නේ. 

 

අදහස්

CAPTCHA
This question is for testing whether or not you are a human visitor and to prevent automated spam submissions.
Image CAPTCHA
Enter the characters shown in the image.