මෑන් බුකර් සම්මාන ඉතිහාසයේ ප්‍රථම වරට චිත්‍රකතා නවකතාවක් නිර්දේශ වේ | සිළුමිණ

මෑන් බුකර් සම්මාන ඉතිහාසයේ ප්‍රථම වරට චිත්‍රකතා නවකතාවක් නිර්දේශ වේ

මේ වසරේ මෑන් බුකර් සම්මාන ඉතිහාසයේ ප්‍රථම වරට චිත්‍ර කථා නව කතාවක් (graphic novel) ජූරි සභාව විසින් නිර්දේශ කර ඇති බව වාර්තා වේ. Nick Drnaso ගේ ‘සබ්රිනා’ (Sabrina) චිත්‍ර කතාව මේ වෙනුවෙන් ජූරියේ විශේෂ අවධානයට යොමු වී ඇත.

මේ කතාව තරුණ කාන්තාවක් වටා ගෙතෙන අතර, සමාජ ප්‍රචණ්ඩත්වය සහ වැරදි කට කතාවක් නිසා ජීවිතය වෙනස් වන ආකාරය පෙන්වයි. මෙය ජූරියේ විශේෂ අවධානය ලබා ගැනීමට හේතු වන්නේ බොහෝ චිත්‍ර කතාංග ප්‍රබන්ධ ආකාරයෙන් ලියැවී ඇති අතර, නමුත් මේ කතාව තාත්වික ලෝකය හා සිද්ධි ආශ්‍රයෙන් නිර්මාණය වී තිබීමයි.

ජූරියේ තීර කවරයෙක් වන සහ වැඩිම විකිණීම් වාර්තා ලද අපරාධ ගණයේ නවකතා රචක, Val McDermid පවසන පරිදි ‘සබ්රිනා’ කතාව කියවන විට මාව කම්පනයට පත් කළා යනුවෙන් වරෙක ප්‍රකාශ කර තිබුණි.

මේ කෘතිය චිත්‍ර කතාවක්, චිත්‍ර හා දෙබස් පැවතුණත්, එය කියවීමේදී ඉතා තාත්වික බවක් දැනෙන අයුරින් නිර්මාණය වී ඇත.


මෑන් බුකර් සම්මානය සඳහා කෙටි ලැයිස්තු ප්‍රකාශයට පත් වේ

 සාහිත්‍ය ලොව ඉහළ ම ජාත්‍යන්තර සම්මානයක් ලෙස සැලකෙන මෑන් බුකර් සම්මානය සඳහා 2018 වසරේ කේට් ලැයිස්තුගත කරන ලද කෘති පෙළ පසුගියදා ප්‍රකාශයට පත් කරන ලදී. ඒ අතර මංගල නවකතා දෙකක් ද තිබේ. ලේඛිකාවන් සිවු දෙනකු හා ලේඛකයන් දෙදෙනකු විසින් රචනා කළ කෘති මෙවර බුකර් සම්මාන කෙටි නිර්දේශ අතරට ඇතුළත් ව ඇත. එ් කෘති වන්නේ ඩේසි ජොන්සන් ගේ ‘එව්රිතින් අන්ඩර්’ (Everything Under), එසී එඩුග්යාන් ගේ ‘වොෂිංටන් බ්ලැක්’ (Washington Black), ඇනා බර්න්ස් රචිත ‘මිල්ක් මෑන්’ (Milkman), රැෂෙල් කුෂ්නර් ගේ ‘ද මාර්ස් රූම්’ (The Mars Room), රිචර්ඩ්ස් පවර්ස් ගේ ‘ද ඕවර්ස්ටෝරි’ (The Over story) සහ රොබින් රොබර්ටිසන් ගේ ‘ද ලෝන්ග් ටේක්’ (The Long Take) යන කෘති හයයි.

 


ඉසබෙල් අයියන්දේට අමෙරිකාවේ ජාතික ග්‍රන්ථ සම්මානය

 අමෙරිකාවේ සාහිත්‍ය ක්ෂේත්‍රයේ නොමැකෙන නාමයක් සටහන් කරන්නට සමත් මෙන්ම එරට සාහිත්‍යට දැක්වූ විශිෂ්ට දායකත්වය වෙනුවෙන් ප්‍රවීණ ලේඛිකා ඉසබෙල් අයියන්දේට ගෞරව ප්‍රණාම පදක්කමක් පිරිනැමීමට අමෙරිකාවේ ජාතික ග්‍රන්ථ තීරණය කර ඇති බව වාර්තා වේ.

ස්පාඤ්ඤ බසින් සාහිත්‍ය නිර්මාණකරණයේ යෙදෙන ලේඛිකාවකට මේ සම්මානය හිමිවන ප්‍රථම අවස්ථාව මෙය වීම විශේෂත්වයකි.

මේ වනවිට 76 වැනි වියේ පසුවන ඇය පොත් 19ක්, භාෂා 35කට පරිවර්තනය සහ එහි පිටපත් මිලියන 57කට වඩා විකිණී තිබීම, ජාත්‍යන්තර ගෞරව ආචාර්ය උපාධි 12ක්, රටවල් 15 කට වඩා වැඩි ගණනක් සහ ජාත්‍යන්තර චිත්‍රපට 2 ක් සඳහා සම්මාන 50 ක් හිමිවීම, මේ සියලු දේවල්වලට අයිතිය තිබෙන සුවිශේෂී කතුවරියකි. චිලී ජාතික කතුවරියක් වන ඇය, ලොව සිටින වඩාත් සංවේදීම සහ දක්ෂතම කතුවරියන් අතර ද ඉදිරියෙන් ම සිටින බව වාර්තා වේ.

ඇයට චිලී සහ ඇමෙරිකාව යන දෙරටෙහිම පුරවැසිභාවය හිමි ය. ඉසබෙල් අයියන්දේට මේ සම්මානය පිරිනැමෙන්නේ නොවැම්බර් 14 වැනිදා මෑන්හැටන් නුවර පැවැත්වෙන සම්මාන උලෙළේදීය.

 


හොංකොං ලේඛිකා හුවැන් චින් යුවෙන් මෙලොවින් සමු ගනී

හොංකොං නුවර ළමා සාහිත්‍යය ප්‍රචලිත කිරීම උදෙසා පුරෝගාමී මෙහෙවරක් ඉටුකළ ලේඛිකාවක වූ හුවැන් චින්- යුවෙන් පසුගියදා මෙලොවින් සමු ගත්තා ය.

මිය යන විට 98 හැවිරිදි වියේ පසු වූ ඇය 1920දි හොංකොං නුවර උපත ලබා ඇත. එහිදී අධ්‍යාපනය හැදෑරු හුවැන් චින්, පසුකලෙක අමෙරිකාවේ කොළොම්බියා විශ්ව විද්‍යාලයේ ගුරු විද්‍යාලයෙන් ශාස්ත්‍රපති උපාධියක් ද හිමිකර ගත්තා ය.

ඇය එරට ළමයි වෙනුවෙන් 1941 වසරේදි සඟරාවක් ආරම්භ කළා ය. දෙවැනි ලෝක යුද සමයේ හොංකොං සහ චීන දරුවන් වෙනුවෙන් මුද්‍රණය වූ එක ම ළමා සඟරාව ද එය වීම විශේෂත්වයකි.

 

අදහස්