බුද්ධිමත් නායකයනි,පෙරට එන්න | සිළුමිණ

බුද්ධිමත් නායකයනි,පෙරට එන්න

සංව­ර්ධිත රටක් ලෙස ඉදි­රි­යට යෑමට අප හමුවේ ඇති අභි­යෝග මැයෙන් ශ්‍රී ලංකා අන්තර්ජාතික වාණිජ මණ්ඩ­ලයේ සභා­පති දිනේෂ් වීර­ක්කොඩි මහතා සමඟ කළ සාකා­ච්ඡා­වක් ඇසු­රෙන් සක­සන ලදී.

ලෝකයේ අනෙ­කුත් රට­වල් සමඟ මෙන්ම දකුණු ආසි­යානු රට­වල් සමඟ සාපේක්ෂ ව බලන කල අප රට ආර්ථික සමෘ­ද්ධිය අතින් සිටින්නේ මන්ද­ගාමී ස්ථාන­යක ය. මීට මූලික හේතුව වී ඇත්තේ ආර්ථි­කය නඟා සිටු­වී­මට අවශ්‍ය ප්‍රති­පත්ති සකස් කිරීම සඳහා අවශ්‍ය බුද්ධි­මය ශ්‍රම දාය­ක­ත්ව­යක් සැප­යිය හැකි පිරිස ව්‍යව­ස්ථා­දා­ය­කය තුළ අවම වීම ය. අද පාර්ලි­මේන්තුව නියෝ­ජ­නය කරන බොහෝ­දෙනා අ.පො.ස සාමාන්‍ය පෙළ­වත් සමත් වූවෝ නොවෙති. එනිසා කිසි­යම් හෝ අධ්‍යා­ප­නික මට්ට­මක් ඇති ප්‍රති­පත්ති සම්පා­ද­නය පිළි­බඳ අව­බෝ­ධ­යක් ඇති පිරි­සක් පාර්ලි­මේ­න්තු­වට පත් කර යැවිය යුතුය. මෙහිදී විශාල වග­කී­මක් මෙරට ඡන්ද දාය­ක­යන් හට පැවරී ඇත. එමෙන්ම එසේ ජන­තා­වට බුද්ධි­ම­තුන් තෝරා­පත් කර යැවී­මට දේශ­පා­ලන පක්ෂ­ව­ලට ද විශාල වග­කී­මක් පැවරී තිබේ. ඒ කිසි­යම් ප්‍රාමා­ණික දැනු­මක් සහිත උගත් බුද්ධි­මත් නියෝ­ජි­ත­යන් පිරි­ස­කට නාම යෝජනා ලබා­දීම ය. මන්ද­යත් ජන­තා­වට ඇත්තේ සීමා සහිත තේරී­මකි. එහිදී ඔවුන් සිතන්නේ කව­රකු හෝ තම පක්ෂයේ අයකු නම් ඔහුට ඡන්දය ­දිය යුතු බව ය. පෞද්ග­ලික ආය­ත­න­ය­කට නිල­ධා­රි­යකු බඳවා ගැනෙන්නේ බොහෝ පිරි­සක් කිහිප විටක් පරී­ක්ෂ­ණ­යට භාජ­නය කිරී­මෙන් අන­තුරු ව ය. එම­ඟින් එ් ආය­ත­න­යට වඩාත්ම සුදුසු පුද්ග­ලයා තෝරා ගැනී­මට හැකි­යාව ලැබේ. එහෙත් ඡන්ද­ය­කදී එවැනි පරී­ක්ෂ­ණ­යක් කිරී­මට ජන­තා­වට ඉඩක් නොලැබේ. මන්ද යත් ඔවුන්ට මේ අව­ස්ථාව උදා වන්නේ වසර පහ­කට වතා­වක් වන බැවිනි. එනිසා පාර්ලි­මේන්තු ක්‍රියා­ව­ලිය හා පාලන ක්‍රමය පිළි­බ­ඳ වැට­හී­මක් සහිත පිරි­සක් තම පක්ෂයේ නියෝ­ජි­ත­යන් ලෙස ඉදි­රි­පත් කිරීම දේශ­පා­ලන පක්ෂ සතු වග­කී­මකි.

විදේශ රැකියා ක්ෂේත්‍රය

අනෙක් අතට අප කල්පනා කර බැලිය යුත්තේ ජාතික ලැයි­ස්තුව පිළි­බඳ ව ය. එවැනි අව­ස්ථා­වක් සලසා දී ඇත්තේ මෙවැනි පුද්ග­ල­යන් සඳ­හාය. එහෙත් අවා­ස­නා­ව­කට අප රටේ එම­ඟින් තෝරා පත් කර ඇත්තේ ඡන්ද­යෙන් පරා­ජ­යට පත් වුණු උදවියය. එසේත් නැතිනම් නීති සම්පා­ද­නය පිළි­බඳ ව අව­බෝ­ධ­යක් නැති වෙනත් පුද්ග­ලික සබ­ඳතා ඇති පුද්ග­ල­යන් ය. එනිසා මේ පිළි­බ­ඳ වැඩි වග­කී­මක් රටට සැබෑ ලෙස ආද­රය කරන දේශ­පා­ලන පක්ෂ­ව­ලට පැවරේ. ඉදි­රි­යේදී ජන­තාව මෙන්ම දේශ­පා­ලන නාය­ක­ත්වය ද ඉතා බුද්ධි­මත් ව මේ පිළි­බ­ඳව සිතා බලා කට­යුතු කළ යුතුය. එසේ වුව­හොත් පාර්ලි­මේ­න්තුව තුළ රටේ අභි­වෘ­ද්ධිය පිණිස වන යහ­පත් සාකච්ඡා ඇති වී නව මාර්ග­ය­කට ප්‍රවිෂ්ට වීමට අව­ස්ථාව සැලසේ. එය අප විසින් යථා­ර්ථ­වත් කර ගත ­යුතු එක අභි­යෝ­ගය වේ.

මෙරට දියුණු වීමට නම් දැක්මක් සහිත මිනි­සුන් පිරි­සක් පාර්ලි­මේ­නු­තු­වට පත් කර යැවිය යුතුය. මන්ද­ යත් රටේ සියලු සම්පත් කළ­ම­නා­ක­ර­ණය සිදු වන්නේ ඔවුන් අතින් වන බැවිනි. දැනු­වත් භාව­යක් නොමැති අඥාන පුද්ග­ල­යන් වෙත තීරණ ගැනීමේ බලා­ධි­කා­රය ලබා දුන් විට සිදු වන්නේ රට තව තවත් ප්‍රපා­ත­යට ඇද වැටී­මය. ඊට හේතුව වන්නේ සෙසු ලෝකය පිළි­බඳ ව පුළුල් දැක්මක් ඔවුන් තුළ නොවීම ය. ඇත්තෙන් ම ඔවුන් දන්නේ ලංකාවේ ජන­තා­වට සෙසු ලෝකය පිළි­බ­ඳව බියක් ඇති කර, එදා වේල දේශ­පා­ල­නය කිරී­මට ය.‍

අපට ඇති ලොකුම අභි­යෝ­ගය වන්නේ අපේ විදේශ විනි­මය අවම මට්ට­මක පැව­තීම ය. මේ මස තුළ පම­ණක් ඩොලර් බිලි­යන 2.5ක මුද­ලක් අප ණය වාරික වශ­යෙන් ගෙවිය යුතුය. තවත් බිලි­යන 5ක පමණ මුද­ලක් මේ වර්ෂය තුළ අප විසින් ලබා­ගත් ණය වෙනු­වෙන් ගෙවිය යුතුය. එහෙත් මේ වන විට අප සතුව ඇති මුළු ආදා­යම ඩොලර් බිලි­යන 07කි. එනිසා මේ තත්ත්ව­යෙන් ගොඩ ඒමට නම් අපගේ විදේශ විනි­මය වැඩි කර ගත යුතුය. අප රටට විදේශ විනි­මය ළඟා කර දෙන ප්‍රධාන ආදා­යම් මාර්ගය වන්නේ විදේශ රැකියා ක්ෂේත්‍ර­යයි. එම­ඟින් ඩොලර් බිලි­යන 7ක 8 ක පමණ ආදා­ය­මක් අපට ලැබේ. එහෙත් අපට මෙම ක්ෂේත්‍රය මීට වඩා විධි­මත්ව කළමණාකරනය කළ හැකි නම් තවත් විශාල මුද­ලක් උපයා ගත හැකිය. එදා සිට අද දක්වා බොහෝ දෙනා විදේ­ශ­ගත වන්නේ ගෘහ සේවය සඳහා ය. එම­ඟින් ඔවුන්ට ලැබෙන උප­රිම ආදා­යම ඩොල්ර් 250ක් පමණ ය. එහෙත් අප ගෘහ සේවය සඳහා ම යා යුතු නොවේ. අද විදේශ රැකියා වෙළෙ­ඳ­පළ තුළ වෙනත් රැකියා අවස්ත‍ා ඕනෑ තරම් තිබේ. ගැට­ලුව වන්නේ අපට ඒ සඳහා අවශ්‍ය පුහුණු ශ්‍රමි­ක­යන් නොවීම ය. එනිසා ලෝකයේ තිබෙන රැකියා වෙ‍ෙළ­ඳ­ප­ළට සරි­ලන ආකා­ර­යට ශ්‍රමි­ක­යන් පුහුණු කර විදේශ රට­ව­ලට යැවිය හැකි නම් අපට තවත් ඩොලර් බිලි­ය­න­යක පමණ විදේශ විනි­ම­යක් උපයා ගත හැකිය.

උදා­හ­ර­ණ­යක් ලෙස හෙද ක්ෂේත්‍රය සඳහා විශාල ඉල්ලු­මක් ලෝකය පුරා පවතී. ඒ සඳහා පුහුණු හෙද/හෙදි­යන් අපට ලබා දිය හැකිය. එවිට ඩොලර් 250 වෙනු­වට ඩොලර් 500ක ආදා­ය­මක් ඔවුන්ට උපයා ගත හැකිය. එනිසා මේ පිළි­බඳ ව අව­ධා­නය යොමු කරීම වඩාත් ප්‍රති­ඵ­ල­දා­යක ය.

අප­න­යන

අප රටට විදේශ විනි­මය ළඟා කර­දෙන තවත් ආදා­යම් මාර්ග­යක් වන්නේ අපගේ අප­න­යන ක්ෂේත්‍ර­යයි. අපගේ විදේශ සංචි­තය ඉහළ දැමී­මට නම් අප­න­යන භාණ්ඩ වැඩි කර ගැනීම අත්‍යවශ්‍ය ය. මේ සඳහා අප­න­යන මණ්ඩ­ල­යට විශාල කාර්ය­භා­ර්ය­යක් පැවරී තිබේ. ඒ සඳහා මේ ක්ෂේත්‍රය පිළි­බඳ ව දැනු­ව­ත්භා­ව­යක් සහිත පුද්ග­ල­යන් පත් කර අපගේ අප­න­යන පිළි­බඳ ව ලොව පුරා ප්‍රචා­ර­ණ­යක් ලබා­දිය හැකි පුළුල් වැඩ පිළි­වෙ­ළක් සකස් කළ යුතුය. එම­ඟින් එකතු කළ අග­යන් යටතේ නිෂ්පා­දිත නව භාණ්ඩ සඳහා හොඳ වෙළෙ­පො­ළක් අපට නිර්මා­ණය කළ හැකිය. උදා­හ­ර­ණ­ය­කට කුරුඳු අප විසින් අප­න­ය­නය කරනු ලබන්නේ මිටි වශ­යෙනි. වැඩි දියුණු කළ නිෂ්පා­ද­න­යක් ලෙස අපට කුරුඳු ‘තේ’ ලෙස සකස් කර අප­න­ය­නය කළ හැකිය. මන්ද යත් අද කුරුඳු තේව­ලට විශාල ඉල්ලු­මක් විදේශ වෙළෙ­ඳ­පො­ළෙහි පව­තින බැවිනි. අප­න­යන මණ්ඩ­ලය හරහා මේ නිෂ්පා­දන ලෝකය පුරා ප්‍රච­ලිත කළ හැකිය. මෙතෙක් අප විසින් අමු­ද්‍රව්‍ය ලෙස අප­න­ය­නය කළ භාණ්ඩ වෙනු­වට එකතු කළ අග­යන් යටතේ නව නිෂ්පා­දන ලෙස ඒවා අප­න­ය­නය කළ හැකි නම් වෙනදා ඒ භාණ්ඩ­යම අප­න­ය­නය කිරී­මෙන් ලැබූ මුදල මෙන් දෙගු­ණ­යක් විදේශ විනි­මය උපයා ගැනී­මට අපට හැකි වේ. අද අපගේ අප­න­යන ආදා­යම වස­ර­කට ඩොලර් බිලි­යන 2කි. එහෙත් සිංග­ප්පු­රුව වැනි රට­වල අප­න­යන ආදා­යම ඩොලර් බිලි­යන 30ක් පමණ වේ. එනිසා අප­න­යන ක්ෂේත්‍රය වඩා විධි­මත් පුළුල් ක්ෂේත්‍ර­යක් බවට පත් කළ යුතුය. මේ සඳහා තානා­ප­ති­ව­රුන්ගේ සේවය යොදා­ගත හැකිය. එම­ඟින් අපගේ කුඩා පරි­මාණ ජාත්‍ය­න්තර නිෂ්පා­දන සඳහා පුළුල් ප්‍රචා­ර­ණ­යක් ලබා දිය හැකිය. කුඩා පරි­මාණ ව්‍යාපා­රික ප්‍රජාව වර්ධ­නය කළ හැකි නම් එය දිගු කාලී­නව රටට විශාල වාසි­යකි. නමුත් ගැට­ලුව වන්නේ අප රට නියෝ­ජ­නය කර­මින් යන තානා­පති වරු­න්ගෙන් කීදෙ­නෙක් රටේ නිෂ්පා­දන එම රට­වල ප්‍රචා­රය කිරී­මට වෙහෙ­සෙ­නවා ද යන්න ය. නමුත් අප රටට පැමි­ණෙන වෙනත් රට­වල තානා­ප­ති­ව­රුන් බොහෝ දෙනා තම රට­වල ව්‍යාපාර පිළි­බඳ ව ප්‍රචා­ර­යක් ලබා­දී­මට කට­යුතු කරති. එනිසා අපගේ තානා­ප­ති­ව­රුන්ට මේ පිළි­බඳ ව මනා අව­බෝ­ධ­යක් ඇති කිරීම අත්‍යා­වශ්‍ය ය.

සංචා­රක

එලෙසම අපට විදේශ විනි­මය ළඟා­ කර ගත හැකි තවත් එක් මාර්ග­යක් වන්නේ සංචා­රක ව්‍යාපා­ර­යයි. ඒ සඳහා අවශ්‍ය යටි­තල පහ­සු­කම් සංව­ර්ධ­නය කර විධි­මත් වැඩ­පි­ළි­වෙ­ලක් අනුව කට­යුතු කරන්නේ නම් විශාල විදේශ විනි­ම­යක් අපට උප­යා­ගත හැකිය. 2018 වසරේ සංචා­රක ව්‍යාපා­ර­යෙන් ලැබිය යුතු ඉල­ක්ක­ගත ආදා­යම වූයේ ඩොලර් මිලි­යන 2.5කි. නමුත් අපට උප­යා­ගත හැකි වූයේ ඩොලර් මිලි­යන 2.3ක් පමණි. ඊට රට තුළ පැවති අස්ථා­ව­ර­ත්වය බෙහෙ­වින් බල­පෑ­වේය. කෙසේ නමුත් මේ වසරේ අපගේ ඉල­ක්කය වන්නේ ඩොලර් මිලි­යන 3කි. අප රට තව තවත් ප්‍රච­ලිත කර සංචා­රක ව්‍යාපා­රය වර්ධ­නය කර ගනී­මට හැකි නම් කෙටි කාල­යක් තුළ අපේ විදේශ විනි­මය ඉහළ නංවා ගැනී­මට අපට හැකි­යා­වක් තිබේ. එනිසා අප විසින් සැල­සුම් කළ පරිදි එම ඉලක්ක ගත ආදා­යම සපුරා ගැනීම සඳහා මේ කාල­යෙහි කට­යුතු කළ යුතුය.

විදේ­ශීය ආයෝ­ජන

අනෙක් කාර­ණය වන්නේ විදේශ ආයෝ­ජ­නය. විදේශ ආය­ත­න­යක් මෙර­ටට පැමිණ ආයෝ­ජ­නය කරන විට ඔවුන් විසින් ප්‍රධාන කාරණා දෙකක් කෙරෙහි අව­ධා­නය යොමු කරයි. ඉන් එකක් වන්නේ ස්ථාවර රජ­යක් ස්ථාපි­තවී තිබීම ය. අනෙක් කාර­ණය වන්නේ ඒ සඳහා අවශ්‍ය පුහුණු ශ්‍රමි­ක­යන් ය. එහෙත් අප තව­මත් තරුණ තරු­ණි­යන්ට මෙම නව ආයෝ­ජන ඉලක්ක කර ගත් වෘත්තීය අධ්‍යා­ප­න­යක් ලබා­දී­මට අපො­හො­සත් වී සිටිති. ජාතික අධ්‍යා­ප­නය වෙනු­වෙන් වැය කරන ආදා­යම ආයෝ­ජ­න­යක් සේ සලකා වෘත්තීය මට්ටමේ අධ්‍යා­පන ක්‍රම­ය­කට අපට යා හැකි නම් එය වඩාත් වැද­ගත් පිය­ව­රකි. එනිසා මේ කෙරෙහි අපේ අව­ධා­නය යොමු කළ යුතුය. අප රටේ උසස් අධ්‍යා­ප­නය මඟින් බිහි­වන බොහෝ­දෙනා කලා උපා­ධි­ධා­රීන් ය. මොවු­න්ගෙන් රටට අවශ්‍ය ශ්‍රම බළ­කා­යක් නිර්මා­ණය කළ නොහැකි බව මීට වසර දහ­ය­කට ප්‍රථම අප තේරුම් ගෙන තිබුණි. එහෙත් තව­මත් ඊට නිසි විස­ඳු­මක් ලබා­දී­මට අපට හැකි වී නැත. එනිසා වස­රින් වසර උසස් අධ්‍යා­නය ලබා රැකියා වියු­ක්ති­යට එකතු වන පිරිස වර්ධ­නය වෙමින් තිබේ. රට තුළ ඇති මානව සම්පත මනා ලෙස කළ­ම­නා­ක­ර­ණය නොකි­රීම නිසා අර්බු­ද­කාරී තත්ත්ව­ය­කට අප රට මුහුණ දී සිටියි. මේ මානව සම්ප­තෙහි තිබෙන හැකියා, දක්ෂතා හඳු­නා­ගෙන ඔවුන් එ් ක්ෂේත්‍රයේ ප්‍රවී­ණ­යන් බවට පත් කළ යුතුය. එම­ඟින් මෙර­ටට පැමි­ණෙන ආයෝ­ජ­ක­යන්ට ඔවුන්ගේ විශේෂ කුස­ල­තා­ව­යෙන් සේවය ලබා­ගැ­නී­මට හැකි­ වේ. එමඟින් උගත් තරුණ ප්‍රජා­වට විශාල වැටු­පක් ලබා­ගෙන තෘප්ති­මත්ව ජීවත් වීමට අව­කාශ සැලසේ. එසේම එවැනි දක්ෂ­තා­ව­ලින් පිරි­පුන් මානව ප්‍රජා­වක් සිටින රටක ආයෝ­ජ­නය කිරී­මට විදේ­ශීය ආයෝ­ජ­ක­යෝ ද පෙලඹෙති. අද ඉන්දි­යානු තරුණ තරු­ණි­යන් බොහෝ­දෙනා ඉන්ජි­නේරු අධ්‍යා­ප­න­යෙන් ජාත්‍ය­න්තර තලයේ ඉතා ඉහ­ළට පැමිණ සිටිති. එනිසා එරට මානව සම්පත ශීඝ්‍රයෙන් වර්ධ­නය වී ඉතා ශක්ති­මත් ආර්ථි­ක­යක් ළඟා කර­ගෙන තිබේ. අප රටේ උසස් අධ්‍යා­ප­නය ලබන බොහෝ දෙනා සේවය සල­සන්නේ මෙර­ටට නොව විදේශ රට­ව­ලට ය. එය එසේ වුව ද රට තුළ ඉති­රි­වන දෙවන හා තුන්වන මට්ටමේ අධ්‍යා­ප­න­යක් සහිත පිරිස, අප නිසි ලෙස මෙරට ශ්‍රම වෙළෙ­ඳ­පොළ සඳහා දායක කර ගැනී­මට අපො­හො­සත් වී සිටිති. එනිසා අපගේ අධ්‍යා­පන ක්‍රමය අනා­ගත ඉලක්ක සපු­රා­ගත හැකි අන්තර්ජාතික ප්‍රමි­ති­යෙන් යුතු වෘත්තී­ය අධ්‍යා­පන ක්‍රම­යක් බවට පත් කළ යුතුය. එහිදී භාෂා කිහි­ප­යක් විශේ­ෂ­යෙන් ඉංග්‍රීසි, චීන, ජපන්, කොරි­යන් වැනි භාෂා පිළි­බඳ ව අව­බෝ­ධය ලබා­දීම ඉතා ම වැද­ගත් ය. මේ කෙරෙහි අපේ අධ්‍යා­පන බල­ධා­රීන් විශේෂ අව­ධා­නය යොමු කළ යුතුය.

කෘෂි­ක­ර්මය

අනෙක් අතින් වැද­ගත් ක්ෂේත්‍රය වන්නේ කෘෂි­කා­ර්මික ක්ෂේත්‍රය යි. මේ වන විට ඊට අවශ්‍ය සියලු යටි­තල පහ­සු­කම් සංව­ර්ධ­නය වෙමින් තිබේ. මේ යටි­තල පහ­සු­කම් සංව­ර්ධ­නය වන අත­ර­තුර මේ ක්ෂේත්‍රය ඵල­දායී ව ඉදි­රි­යට ගෙන යා හැකි ක්‍රමෝ­පාය පිළි­බඳ ව සැල­සුම් සකස් කර ක්‍රියා­ත්මක කිරීම අත්‍යා­වශ්‍ය ය. ඒ සඳහා මෙරට තරුණ පර­පුර යොදා­ගත හැකිය. සේවා නියු­ක්තිය ඉහළ නැංවිය හැක්කේ එවිට ය. අද තරුණ තරු­ණි­යන් බොහෝ දෙනා ගොවි­තැන ගැන දක්වන්නේ යහ­පත් ආක­ල්ප­යක් නොවේ. එහෙත් ඉන්දි­යාවේ මේ තත්ත්වය සහ­මු­ලින් ම වෙනස් ය. අද උසස් අධ්‍යා­ප­නය ලබූ තරුණ තරු­ණි­යන් පවා ගොවි­තැ­නට යොමුවී හොඳ ආදා­යම් මාර්ග­යක් සකස් කර­ගෙන තිබේ. විශේ­ෂ­යෙන් ම ඇම­රි­කාව ප්‍රමුඛ යුරෝ­පීය රට­ව­ලට තම කෘෂි­කා­ර්මික භෝග අප­න­ය­නය කරන තත්ත්ව­යට ඔවුන් වර්ධ­නය වී සිටිති. තමන් ලැබූ උසස් අධ්‍යා­ප­නය මඟින් කෘෂි ක්ෂේත්‍රය දියුණු කිරී­මට හා නව වෙළෙඳ පොළ­වල් සොයා­ගෙන ඒවාට තම කෘෂි නිෂ්පා­දන අලෙවි කිරී­මට ඔවුන් දක්වන්නේ මහත් උන­න්දු­වකි. මෙනිසා එර­ටට විශාල විදේශ විනි­ම­යක් මෙන්ම ඔවු­න්ටද සුව­ප­හසු ජීවි­ත­යක් ළඟා­ කර ගැනී­මට හැකි වී තිබේ. එනිසා අපගේ ආක­ල්ප­මය සංව­ර්ධ­නය ද අධ්‍යා­ප­නය මඟින් ඇති කළ යුතුය.

මේ සියලු දේ අපට සාර්ථ­කව කළ හැකි වන්නේ ඒ වෙනු­වෙන් තීන්දු තීරණ ගත හැකි බුද්ධි­මත් දේශ­පා­ලන නාය­ක­ත්ව­යක් රට තුළ ස්ථාපිත වී තිබු­ණ­හොත් පමණි. 2015 ජන­වාරි 08 වැනිදා නව රජ­යක් බල­යට පත් වීමත් සමඟ යහ­පා­ලන ප්‍රති­පත්ති රාමු­වක් යටතේ කිසි­යම් වැඩ පිළි­වෙ­ළක් ක්‍රියා­වට නැංවී­මටය. එ් වැඩ­පි­ළි­වෙළ තව­දු­ර­ටත් ඉදි­රි­යට ගෙන යා හැකි නම් මේ රටට ඉදි­රි­යට ගමන් කළ හැකිය. ආණ්ඩු­වක් ලෙස තමන් මේ රට රැගෙන යන්නේ කවර දිසා­ව­කට ද යන්න තීර­ණය කර එ් මාර්ගයේ ගමන් කළ හැකි නම් මේ ආර්ථික සමෘ­ද්ධිය ළඟා කර ගැනීම එත­රම් අප­හසු කාර්ය­යක් නොවේ. එහෙත් ඒ සඳහා ස්ථාවර ආණ්ඩු­වක් කිසි­යම් කාල සීමා­වක් තුළ ස්ථීරව පැව­තිය යුතුය.

පසු­ගිය කාලයේ ආර්ථික වශ­යෙන් රටට ඉතාම වැද­ගත් සැල­සුම් ගණ­නා­වක් සකස් කෙරිණි. උදා­හ­ර­ණ­යක් ලෙස පෞද්ග­ලික අංශයේ කාන්තා ශ්‍රම බළකා සහ­භා­ගී­ත්වය 36% - 40% දක්වා ඉහළ නැංවීම සඳහා මාර්ගෝ­ප­දේ­ශන හඳු­න්වා­දීම පෙන්වා දිය හැකිය. එහෙත් ගැට­ලුව වන්නේ එ් සැල­සුම් ක්‍රියා­ත්මක කිරී­මට අවශ්‍ය ප්‍රාග්ධන සම්පත් අප සතු නොවීම ය. මෙනිසා අප හැකි සෑම ආකා­ර­යෙන් ම ආයෝ­ජ­ක­යන් මෙර­ටට ගෙන්වා ගැනී­මට කට­යුතු කළ යුතුය. එහිදී පටු දේශ­පා­ලන අර­මුණු වෙනු­වෙන් මේ දේවල් විවේ­ච­නය නොකර රටත් ජන­තා­වත් පිළි­බ­ඳව සද්භා­ව­යෙන් කට­යුතු කිරීමට සෑම දේශ­පා­ලන නාය­ක­යකු ම ඉදිරියට ආ යුතුය.
ඡායා­රූපය - රංජිත් අසංක

අදහස්