සීගිරිය යනු අපේ අතීත මුතුන් මිත්තන්ගේ කලා කුසලතාව පිළිබිඹු කරන කැටපතක් බඳු නිර්මාණයකි. එය ඉතා විස්මිත නිර්මාණයක් වන අතර සීගිරිය ලොව අටවන පුදුමය ලෙස නම් කෙරුණේද එකී විස්මිත බව නිසාමය. මධ්යම පළාතේ, මාතලේ දිස්ත්රික්කයට අයත් වන සීගිරිය කාශ්යප රජුගේ නිර්මාණයකි. එපමණක් නොව, සීගිරිය ‘සීහ පබ්බත’, ‘සීහ ගිරි’ වැනි නම් වලින් ද හඳුන්වා ඇත. කාශ්යප රජුගෙන් අනතුරුව සීගිරිය වල් බිහි වන්නට විය
19 වැනි සියවසේ සීගිරිය නැරඹිමට පැමිණි ‘මේජර් ෆොබස්’ නම් තැනැත්තා තමාගේ ග්රන්ථයක සීගිරිය පිළිබඳ පිටු 20ක පමණ විස්තරයක් කර ඇත. එකල ශ්රී ලංකාවේ ආණ්ඩුකාරවරයා වූ ඒ.එච්. ගෝර්ඩන් මහතා සීගිරිය ගැන තම අවධානය යොමු කර ඇත්තේය. ඉන් පසුව අප රටෙහි ප්රථම පුරාවිද්යා කොමසාරිස්වරයා වූ එච්.සී.පී. බෙල් මහතා විසින් සීගිරිය නැවතත් එළිපෙහෙළි කරන්නට විය. සීගිරිය කොටු පවුරු හා දිය අගල්, ජල උද්යාන, ශිල උද්යාන, සිංහ පාදය, රාජ මාළිගය, බිතු සිතුවම්, කැටපත් පවුර හා කුරුටු ගී ආදියෙන් යුක්තය. සීගිරිය වැනි ජාතික උරුමයන් රැක ගැනීම අප කාගේත් වගකීමකි.
අමීරා හමීඩ්
9 ශ්රේණිය ‘ඊ’,
යසෝදරා විද්යාලය,
කොළඹ 08