වාණිජ හා කර්මාන්ත කටයුතු ඇමැති රිෂාඩ් බදූර්දීන් මහතාට විරුද්ධව විශ්වාස භංග යෝජනාව කථානායකවරයාට භාර දීමත් සමඟ පාර්ලිමේන්තුව නියෝජනය කරන සියලු දේශපාලන පක්ෂවල දැඩි අර්බුදකාරී තත්ත්වයක් උද්ගත වී ඇති බව දේශපාලන ආරංචි මාර්ගවලින් පැවසේ.
මෙතෙක් එම විශ්වාස භංග යෝජනාවට පාර්ලිමේන්තු මන්ත්රිවරුන් 64 දෙනෙකු පමණක් අත්සන් තබා ඇති අතර ඉකුත් බ්රහස්පතින්දා මෙම යෝජනාව කථානායක කරුජයසූරිය මහතා වෙත පාර්ලිමේන්තු මන්ත්රි උදය ගම්මංපිල මහතා ඇතුළු කණ්ඩායමක් විසින් භාරදී තිබේ.
එක්සත් ජාතික පක්ෂය, ශ්රී ලංකා නිදහස් පක්ෂය සහ ඒකාබද්ධ විපක්ෂ කණ්ඩායමේ පාර්ලිමේන්තු මන්ත්රිවරු මත දෙකකට පැමිණීම නිසා මෙම අර්බුදකාරී තත්වය පැන නැඟී ඇත.
ඇමැති රිෂාඩ් බදියුදීන් මහතාට ගෙන එනු ලබන විශ්වාස භාංග යෝජනාවට පක්ෂව සහ විපක්ෂව පාර්ලිමේන්තුව නියෝජනය කරන දේශපාලන පක්ෂවල මන්ත්රිවරුන් මැති ඇමතිවරුන් කණ්ඩායම් දෙකකට බෙදී විවේචනය කර ගන්නා බව ද දේශපාලන ආරංචි මාර්ගවලින් පැවසේ.
භාක්ති ධර්මප්රිය මෙන්ඩිස්