යටගම ශ්‍රී නාගවනාරාම පුරාණ විහාරස්ථානයේ නේත්‍ර ප්රතිස්ඨාපන සැමරුම නිමිති කොට වසරක් පාසා පැවැත්වෙන පෙරහැර මංගල්‍යය ඊයේ ඇරැඹී සැප්තැම්බර් 04 වැනි දා දක්වා උත්කර්ෂවත් ලෙසින් පැවැත්වීමට සීනාදී සිවු කෝරලයේ ප්‍රධාන සංඝ නායක යටගම ශ්‍රී නාගවනාරාධිපති රාජකීය පණ්ඩිත ශාස්ත්‍රපති, යටගම ධර්මකීර්ති ශ්‍රී ඉන්දවිමල උදයධම්මාභිධාන නායක ස්වාමීන් වහන්සේ කටයුතු සූදානම් කොට ඇත.
යටගම ශ්‍රී නාගවනාරාම පුරාණ විහාරස්ථානයේ විහාරාධිපතිව වැඩ සිටි අපවත් වී වදාළ සීනාදී සිවු කෝරලයේ ප්‍රධාන සංඝ නායක අති පූජ්‍ය නාලපහ විනයාචාර්ය ධර්මකීර්ති ශ්‍රී රතනපාල ඉන්දවිමලාභිධාන නායක හිමියන්ගේ සංකල්පයක් අනුව 1992 වසරේ ඇරඹි මෙම නේත්‍ර ප්රතිස්ඨාපන පෙරහැර මංගල්‍යය මෙවර පැවැත්වෙනුයේ 27 වැනි වරටය.
