රටවල් 40ක ඉහළ පෙළේ බෝරා මුස්ලිම් ප්රජාවගේ එකතුවකින් සැදුම් ලත් 2019 වාර්ෂික බෝරා ගෝලීය සම්මේලනය සැප්තැම්බර් මස 01 වනදා සිට 10 වනදා දක්වා කොළඹදී පැවැත්වීමට කටයුතු යොදා තිබේ.
කොල්ලුපිටියේ ප්රධාන බෝරා මුස්ලිම් පල්ලිය කේන්ද්ර කරගනිමින් මෙවර සමුළුව පැවැත්වෙන අතර, ඊට ලොව පුරා සිටින බෝරා ජාතිකයන් 21,000කට වැඩි පිරිසක් සහභාගි වෙතැයි අපේක්ෂා කෙරේ.
මේ බෝරා ගෝලීය සම්මේලනය මෙරට සංචාරක ක්ෂේත්රයට ඉතා වැදගත් එකක් වනු ඇති බවට විශ්වාස කෙරෙන අතර, දැනටමත් එකී සමුළුවට සහභාගි වීමට නියමිත බෝරා මුස්ලිම් ජාතිකයන් කොළඹ හා තදාසන්න ප්රදේශවල ප්රමුඛ සංචාරක හෝටල් රැසක් සිය නවාතැන් සදහා මුදල් ගෙවා වෙන් කර ඇති බවද වාර්තා වේ.
සමුළුව නිමිත්තෙන් කොළඹ නගරය හා එකී බෝරා මුස්ලිම් ප්රජාව නවාතැන් වෙන් කරගෙන ඇති සියලු ප්රදේශවල විශේෂ ආරක්ෂක වැඩපිළිවෙළක් ක්රියාත්මක කිරීමටද තීරණය වී තිබේ.