Expo 2020 Dubai ප්රදර්ශනය 2020 ඔක්තෝම්බර් 20 සිට 2021 අප්රේල් 10 දක්වා ඩුබායි හි පැවැත්වීමට නියමිතයි. මෙම ප්රදර්ශනය ශ්රී ලංකාවේ වෙළෙද, සංචාරක සහ ආයෝජන යන ක්ෂේත්ර ප්රවර්ධනයට මුලික වශයෙන් අපේක්ෂිතයි.
මේ සඳහා කැබිනට් අනුමැතිය දැනටමත් ලැබී ඇති අතර පසුගිය ජුලි මාසයේ 08 වන දින ඩුබායි එක්ස්පෝ කාර්යාංශය සමඟ ශ්රී ලංකාව නිළ සහභාගීත්ව ගිවිසුමටද අත්සන් තැබිය. එහිදී ප්රදර්ශනය පවත්වන භූමිය නිරීක්ෂණය කිරීමට ශ්රී ලංකා දූත පිරිසට අවස්ථාව හිමි විය. එය හෙක්ටයාර 438 ක භූමි ප්රදේශයකි.
මේ නිල චාරිකාවට සමගාමිව එරට වාණිජ මණ්ඩල සමඟ ඵලදායි සාකච්ඡා පැවැත්වීමටද අවස්ථාව හිමිවිය.එහි තේමාත්මක දිස්ත්රික්ක (Thematic Districts), අන්තර් කන්ඩායම් ක්රියාකාරකම් සඳහා වෙන්වූ ස්ථාන (Group Interactions), උද්යාන, විනෝද ක්රීඩාංගණ, ව්යාපාරික හමුවීම් සඳහා වෙන්වූ ස්ථාන ආදී නොයෙකුත් අංග ඉදිකෙරෙමින් පවතියි. ශ්රී ලංකා අපනයන සංවර්ධන මණ්ඩලය විසින් 2020 දී “එක්ස්පෝ 2020” පිළිබඳව දැනුවත් කිරීම සඳහා පැවැති හමුවේදී නියෝජ්ය අමාත්ය නලින් බණ්ඩාර මහතා මෙම අදහස් ප්රකාශ කළේය.
මේ සඳහා දැනටමත් රටවල් 192ට අධික ප්රමාණයක් ඔවුන්ගේ සහභාගීත්වය තහවුරු කර තිබේ. එමෙන්ම මිලියන 25කට අධික පිරිසක් මෙය නැරබීම සඳහා පැමිණෙතැයි ඩුබායි රජය අපේක්ෂා කරන බවද ඇමතිවරයා කීය. ඉදිවෙමින් පවතින ශ්රී ලංකාවේ ප්රදර්ශන කුටිය වර්ග කිලෝමීටර 212, විශාල ප්රදර්ශන භූමියකි. ශ්රී ලංකා ප්රදර්ශන භූමිය ‘ජලය’ යන තේමාව කැටිකොටගෙන නිර්මාණය කොට ඇත. එය නිර්මාණය කරනු ලැබුවේ මොරටුව විශ්වවිද්යාලයීය ශිෂ්යන් විසිනි.
එක්සත් අරාබි එමීර් රාජ්යය පදනම් කරගත් ශ්රී ලාංකික වෘත්තිකයන් විශාල සංඛ්යාවක් නියෝජනය කරමින්, ඩුබායිහි ශ්රී ලංකා ව්යාපාර කවුන්සිලය සහ උතුරු එමිරේට්ස් හි වරලත් ගණකාධිකරණ නිලධාරීන්,එක්ස්පෝ 2020 ඩුබායි හි සාර්ථකත්වය සඳහා පූර්ණ සහයෝගය ලබා දෙන බවට පොරොන්දු වූ අතර ශ්රී ලංකා වෘත්තිකයින්ගේ සංගමය ද මෙම අවස්ථාවට සහභාගී විය. විදේශ කටයුතු අමාත්යංශය සහ ශ්රී ලංකා ගුවන් සේවය හරහා Expo 2020 Dubai ප්රදර්ශනයහි ප්රචාරක සහ ප්රවර්ධන කටයුතු කිරීමට සැලසුම් සැකසෙමින් පවතියි.