ආර්ථික සහ දේශපාලන වාතාවරණය යහපත් නොවන අවස්ථාවලදී එක්ව ශක්තිමත්ව කටයුතු කිරීමේ අගය තේමා කරගනිමින් සියැට් කැලණි හෝල්ඩින්ග්ස් සමාගම විශිෂ්ට අලෙවි නියෝජිතයන් සමාගමට දැක්වූ දායකත්වය අගයමින් පසුගියදා සම්මාන ප්‍රදානය කළේය. සම්මාන ප්‍රදානෝත්සවය ‘Together Towards Tomorrow’ යන තේමාව යටතේ පැවැත්විණි. සමාගමේ ප්‍රමුඛතම ටයර් අලෙවි නියෝජිතයෝ 70 දෙනෙක් සම්මාන ලැබූහ. මෙහිදී, ඉන්දු-ශ්‍රී ලංකා ඒකාබද්ධ ව්‍යාපාරය විසින් නව නිෂ්පාදන, ධාරිතාවය වර්ධනය කිරීම සහ නිෂ්පාදන වැඩි දියුණු කිරීම සඳහා අති විශාල ආයෝජනයක් සිදු කළ 2018-19 මූල්‍ය වසරේදී සමාගමේ ආදායම වෙනුවෙන් කැපී පෙනෙන දායකත්වයක් දැක්වූ අලෙවි නියෝජිතයන් ඇගයීම සිදුකරන ලදී.
