කොළඹ අහස් ගැබ සිසාරා ‘වරාය නගර’ (Port City) ව්යාපෘතිය ඉදිවෙමින් පවතින මෙම වකවානුවේ කොළඹ 1 ප්රදේශයේ දේපළ හිමියන් සහ ආයෝජකයන් තුළ සේම කොළඹ 2 සහ 3 ප්රදේශවල සුඛෝපභෝගී දේපළ හිමියන් සහ ආයෝජකයන් තුළද නව බලාපොරොත්තුවක් හටගෙන තිබේ. ඒ ඉදිරියේදී පෝට් සිටි සංකීර්ණය වෙත සේවාවන් ලබා ගැනීම හා රැකියාවන් සඳහා පැමිණෙන අමුත්තන් වෙතින් නවාතැන් සඳහා පැන නඟින ඉල්ලුම හේතුවෙන් තම ආයෝජනයන් සඳහා විශාල ලෙස ප්රතිලාභ අත්වනු ඇති බවට ඉඟි පළ වීමත් සමගිනි.
චයිනා හාබර් ඉංජිනියරින් කම්පැනි (CHEC) හරහා, ක්රියාත්මක වන චයිනා හාබර් ඉංජිනියරින් කම්පැනි පෝට් සිටි කලම්බු (ප්රයිවෙට්) ලිමිටඩ් ව්යාපෘතිය, 1998 සිට ශ්රී ලංකාවේ සංවර්ධනය සඳහා සක්රීය දායකත්වයක් ලබා දෙමින් දකුණු අධිවේගී මාර්ගය, පිටත වටරවුම් මාර්ගය, හම්බන්තොට වරාය, මත්තල ජාත්යන්තර ගුවන් තොටුපළ, කොළඹ දකුණ බහාලුම් පර්යන්තය ඇතුළු මෙරට ප්රධාන පෙළේ යටිතල පහසුකම් ව්යාපෘති රැසක් නිමාවට පත් කළ චයිනා කමියුනිකේෂන්ස් කන්ස්ට්රක්ෂන් කම්පැනි ලිමිටඩ් (CCCC) හි තවත් එක් ව්යාපෘතියකි. නව සේද මාවත ලෙස සැලකෙන චීනයේ Belt & Road (BRI) නවෝත්පාදනයේ එක් පියවරක් ලෙස ඉදි කෙරෙන ඇමරිකානු ඩොලර් බිලියන 15ක වටිනාකමකින් යුත් පෝට් සිටි ව්යාපෘතිය නිම වීමෙන් අනතුරුව විශේෂයෙන් ඒ අවට කොළඹ 1, 2, සහ 3 වැනි තදාසන්න ප්රදේශවල දේපළ අගය සහ බදු අගයන් දැවැන්ත ලෙස ඉහළ යනු ඇතැයි අපේක්ෂා කෙරේ.