කොළඹ සහ ඒ අවට සිදු වන පස් සහ වැලි ව්යාපාරයෙන් 80%ක්ම පාතාලය විසින් අත්පත් කරගෙන ඇතැයි බුද්ධි අංශ හෙළි කරගෙන තිබේ.
කොළඹ නගරය තුළ සිදු කෙරෙන සංවර්ධන කටයුතුවලට පස් සහ වැලි සැපයීමේදී පාතාලයට කප්පම් නොදී සිටීමට ව්යාපාරිකයන්ට ඉඩක් නැති බවද බුද්ධි අංශ සඳහන් කරයි. කොළඹ සහ ඒ අවට නගර ආශ්රිතව පාතාලය විසින් අත්පත් කරගෙන සිටින පස් සහ වැලි ව්යාපාරයෙන්ද 70%ක පමණ බලය අත්පත් කරගෙන ඇතැයි පැවසෙන්නේ අංගොඩ ලොක්කාය. මෑතකදී හංවැල්ල පහත්ගමදී පස් ව්යාපාරිකයකු සහ ඔහුගේ රියැදුරා ඝාතනය පිටුපසද සිටින්නේ ඔහු වන අතර, අධිවේගී මාර්ග ඉදිකිරීමක් සඳහා පස් කොන්ත්රාත්තුව අංගොඩ ලොක්කාට පිටින් යමින් ලබාගැනීම මේ ඝාතනයට මුල් වී ඇතැයි පොලිස් විමර්ශනවලදී හෙළිව තිබේ.