ඉදිරි ජනාධිපතිවරණය සඳහා එක්සත් ජාතික පක්ෂය ඉදිරිපත් කරන ජනාධිපති අපේක්ෂකයා පිළිබඳ අවසන් තීරණය මේ සති අන්තයේ අග්රාමාත්යවරයා, කථානායක කරු ජයසූරිය, අමාත්ය සජිත් ප්රේමදාස සහ එක්සත් ජාතික පෙරමුණට සම්බන්ධ නායකයන් හමු වීමෙන් පසුව ගන්නා බව ඇමැති රංජිත් මද්දුම බණ්ඩාර මහතා ‘සිළුමිණ’ ට පැවසීය. ෙම් හමුව අද (15) සිදු වනු ඇති අතර ඊට එක්සත් ජාතික පෙරමුණ නියෝජනය කරන පක්ෂ නායකයන් සහභාගි වීමට නියමිත අතර, ඔවුන් ජනාධිපති අපේක්ෂකයා පිළිබඳව මෙන්ම මැතිවරණ ව්යාපාරය දියත් කිරීම සම්බන්ධයෙන්ද සාකච්ඡා කිරීමට නියමිතය.
ජනාධිපතිවරණයේදී එක්සත් ජාතික පෙරමුණ ජයග්රහණය කිරීමට නම් අනුගමනය කළ යුතු ක්රමෝපාය සම්බන්ධයෙන් මේ වනවිට සැලසුමක්ද සකස් කර ඇත. ඒ ක්රමෝපාය සැලසුම්ද අපේක්ෂකයා නම් කිරීමෙන් පසුව ක්රියාත්මක කිරීමට අවශ්ය මූලික පියවර සම්බන්ධයෙන්ද එහිදී සාකච්ඡාවට ලක් වනු ඇතැයි අමාත්යවරයා තවදුරටත් සඳහන් කර සිටියේය.