එජාප පක්ෂ ව්‍යව­ස්ථාව අනු­වයි අපේ අපේ­ක්ෂ­කයා තෝරන්නේ | සිළුමිණ

එජාප පක්ෂ ව්‍යව­ස්ථාව අනු­වයි අපේ අපේ­ක්ෂ­කයා තෝරන්නේ

 

ජන­ප­ති­ව­ර­ණය ප්‍රකා­ශ­යට පත් කර තිබු­ණත් රටේ පාලන බලය හොබ­වන පක්ෂය වන එක්සත් ජාතික පක්ෂය තම ජන­පති අපේ­ක්ෂ­කයා තවම නම් නොකර කල් මරන්නේ ඇයි?

එක්සත් ජාතික පක්ෂය කියන්නේ මේ ර‍ෙට් පැර­ණි­තම පක්ෂ­යක්. ඒ වගේ ම මේ රටේ දේශ­පා­ලන පක්ෂ අතර විශා­ල­තම පක්ෂය එක්සත් ජාතික පක්ෂ­යයි. මේ පක්ෂ­යට ආවේ­ණික වූ වින­යක් තිය­නවා. පක්ෂය වැඩ කරන්නේ වින­ය­කට අනු­වයි. ශික්ෂ­ණ­ය­කට අනු­වයි. පක්ෂ ව්‍යව­ස්ථා­වට අනු­වයි. ජන­ප­ති­ව­ර­ණ­යක් නම් කළ පසු කෘත්‍යා­ධි­කාරි මණ්ඩ­ලය රැස්වී ජන­පති අපේ­ක්ෂ­කයා තෝරා­ගත යුතු බවයි ව්‍යව­ස්ථාවේ සඳ­හන් වෙන්නේ. ඒ අනුව ඉදි­රි­යේදී කෘත්‍යා­ධි­කාරි මණ්ඩ­ලය කැඳවා ජන­පති අපේ­ක්ෂ­කයා තෝරා ගන්නවා.

එජාප අපේ­ක්ෂ­කයා තෝරා ගැනීම සිදු­වන්නේ කව­දාද කියලා ඔබට හරි­ය­ටම කියන්න පුළු­වන්ද?

මා හිතන්නේ ලබන 23 හෝ 24 දින කෘත්‍යා­ධි­කාරි මණ්ඩ­ලය කැඳවා එහි අනු­මැ­තිය මත ජනා­ධි­පති අපේ­ක්ෂ­කයා තෝරාවි.

නමුත් විප­ක්ෂය නම් කියන්නේ එක්සත් ජාතික පක්ෂ­යට තමන්ගේ ජනා­ධි­පති අපේ­ක්ෂ­කයා තෝරා ගැනී­මට බැරි­වෙන තර­ම­ටම පක්ෂයේ අර්බු­දය උත්සන්න වෙලා කිය­ලයි. මොකක්ද ඔබේ පිළි­තුර?

විප­ක්ෂය ජනා­ධි­පති අපේ­ක්ෂ­කයා තෝරන ක්‍රම­යට අපිට අපේ ජනා­ධි­පති අපේ­ක්ෂ­කයා තෝරන්න බෑ‍. අපිට ඒ සඳහා ව්‍යව­ස්ථා­වක් හා නිශ්චිත ක්‍රම­වේ­ද­යක් තිබෙ­නවා. ඒ ක්‍රම­වේ­දය අනුව තමයි අපි අපේ ජන­පති අපේ­ක්ෂ­කයා තෝරා ගත්තේ.

එත­කොට විප­ක්ෂය තම ජන­පති අපේ­ක්ෂ­කයා තේරූ ක්‍රමය මොකක් කිය­ලද ඔබ කියන්නේ.

විප­ක්ෂයේ ජන­පති අපේ­ක්ෂ­කයා තෝරන්නේ රාජ­පක්ෂ පවු­ලයි මහින්ද රාජ­පක්ෂ, ශිරන්ති රාජ­පක්ෂ, නාමල් රාජ­පක්ෂ, බැසිල් රාජ­පක්ෂ, චමල් රාජ­පක්ෂ, ගෝඨා­භය රාජ­පක්ෂ, ශෂින්ද්‍ර රාජ­පක්ෂ ‍වගේ රාජ­ප­ක්ෂ­ව­රුන් එක­තු­වෙලා තමයි විප­ක්ෂයේ ජන­පති අපේ­ක්ෂ­කයා තෝරා ගත්තේ. ඒත් එක්සත් ජාතික පක්ෂ­යට එහෙම කරන්න හැකි­යා­වක් නෑ. අපි දේශ­පා­ලන පක්ෂ­යක් මේ දේශ­පා­ලන පක්ෂය හැදිලා තියෙන්නේ රටේ සිටින සිංහල දෙමළ මුස්ලිම් බර්ගර් ඇතුළු සියලු ජාතීන් නියෝ­ජ­නය වන විදි­ය­ටයි. අපේ කෘත්‍යා­ධි­කාරි මණ්ඩ­ල­යත් ඒ වගේ. විවිධ ජාතීන් ජන කොටස් එහි නියෝ­ජ­නය ලබ­නවා. ඒ නිසා අපි කෘත්‍යා­ධි­කාරි මණ්ඩ­ලය රැස්‍ ­ක­රලා එහි අනු­මැ­තිය අනුව තමයි අපේ ජනා­ධි­පති අපේ­ක්ෂ­කයා තෝරා ගන්නේ.

මේ වන­විට එක්සත් ජාතික පක්ෂයේ පාර්ලි­මේන්තු මන්ත්‍රී කණ්ඩා­යමේ පනස් එක් දෙනෙ­කුගේ අස්සන් සහි­තව රනිල් වික්‍ර­ම­සිංහ මහ­තාට ලිපි­යක් බාරදී තිබෙ­නවා. එම­ගින් ඉල්ලා සිටින්නේ කෘත්‍යා­ධි­කාරි මණ්ඩ­ල­යත් පාර්ලි­මේන්තු මන්ත්‍රී කණ්ඩා­ය­මත් එකට කැඳවා එජා­පයේ ජනා­ධි­පති අපේ­ක්ෂ­කයා තීර­ණය කරන ලෙස නේද?

කවු­රු­වත් එහෙම ඉල්ලන්න ඕනෑ නෑ. පක්ෂ ව්‍යව­ස්ථාවේ තියෙන්නේ කෘත්‍යා­ධි­කාරි මණ්ඩ­ලය කැඳවා ජනා­ධි­පති අපේ­ක්ෂ­කයා තෝරා­ගත යුතු බව තමයි.

එත­කොට එජාප ජනා­ධි­පති අපේ­ක්ෂ­කයා තෝරා ගැනී­මට පක්ෂයේ පාර්ලි­මේන්තු මන්ත්‍රී කණ්ඩා­යමේ අනු­මැ­ති­යක් අවශ්‍ය නැතිද?

සාමා­න්‍ය­යෙන් වැද­ගත් තීර­ණ­යක් ගන්නා විට එජාප පාර්ලි­මේන්තු මන්ත්‍රී කණ්ඩා­ය­මෙ­නුත් අහ­නවා. නමුත් එහෙම අහ­න්නම ඕනෑ කියලා නෛතික අව­ශ්‍ය­තා­වක් ව්‍යව­ස්ථාව අනුව නෑ. නීතිය අනුව තියෙන්නේ කෘත්‍යා­ධි­කාරි මණ්ඩ­ලයේ කැමැත්ත ලබා­ගත යුතු බවයි. ඒත්... මන්ත්‍රී­ව­රු­න්ගෙ­නුත් අහන එක හොඳයි‍. එත­කොට එහි විනි­විද භාව­යක් ආව­ර­ණ­යක් ලැබෙ­න­වානේ.

කෘත්‍යා­ධි­කාරි මණ්ඩ­ල­යට රනිල් වික්‍ර­ම­සිංහ මහ­ත‍ාගේ හිත­වා­දීන් පත් කිරී­මට යනවා කියන කතාවේ ඇත්තක් ති‍යන­වාද?

පක්ෂ නාය­කයා තමයි කෘත්‍යා­ධි­කාරි මණ්ඩ­ල­යට සාමා­ජි­ක­යන් පත් කරන්නේ. ඒත් අලු­තින් පත් කර­නවා කියලා එකක් නෑ‍. මේ ප්‍රචාර මඩයි ඕපා­දූ­පයි විත­රයි. පත් කළ යුතු සියලු දෙනා මේ වන­විට පත්කර අව­සන්.

එක්සත් ජාතික පෙර­මුණ විදි­යට තමයි ඔබලා ආණ්ඩුව ඉදි­රි­යට මෙහෙය වන්නේ.‍ දැන් පාඨලී චම්පික රණ­වක මහතා ඉල්ලා සිටි­නවා එක්සත් ජාතික පෙර­මුණ නියෝ­ජ­නය කරන පාර්ලි­මේන්තු මන්ත්‍රී­ව­රුන් 106 දෙනා­ගෙන් ඡන්ද­යෙන් ජන­පති අපේ­ක්ෂ­කයා පත් කළ යුතු බවයි. ඒ ගැන මොකද කියන්නේ?

එහෙම එකක් අපේ පක්ෂ ව්‍යව­ස්ථාවේ නෑනේ‍.

පාඨලී චම්පික රණ­වක ඇමැ­ති­ව­රයා යෝජ­නා­වක් ලෙසයි එවැ­න්නක් ඉදි­රි­පත් කරන්නේ.

ව්‍යව­ස්ථාවේ තියෙන්නේ ජනා­ධි­පති අපේ­ක්ෂ­කයා තෝරන්න බලය තියෙන්නේ කෘත්‍යා­ධි­කාරි මණ්ඩ­ල­යට බවයි. එහෙම එකක් ව්‍යව­ස්ථාවේ නෑ. ඒ වගේ ම නෛතික අව­ශ්‍ය­තා­ව­කුත් නෑ. පක්ෂයේ මන්ත්‍රී­ව­රු­න්ගෙ­නුත් අහන එක වර­දක් නෑ කියා මා මුලි­නුත් කීවා. මන්ත්‍රී­ව­රු­න්ගේත් අනු­මැ­තිය ලැබු‍ණත් එය ජන­පති අපේ­ක්ෂ­ක­යාට විශාල ශක්ති­යක් ලැබෙ­නවා.

ජන­පති අපේ­ක්ෂ­කයා තෝරා ගැනී­මට එක්සත් ජාතික පෙර­මු­ණෙත් කමි­ටු­වක් දාලා තිබුණ නේද? ඒ කමි­ටුවේ වාර්තාව එළි දකින්නේ කව­දාද?

අ‍පේක්ෂ­කයා තෝරන්න වාර්තා­වක් ඉල්ලලා නෑ. විවිධ අය ජන­ප­ති­ව­ර­ණ­යට ඉදි­රි­පත් වෙනවා කියලා කිව්ව­හම ඒ ඒ අයට මේ ජන­ප­ති­ව­ර­ණය ජය­ග්‍ර­හ­ණය කිරීමේ හැකි­යාව මොකක්ද ක්‍රම­වේ­දය මොකක්ද කියා විම­ස­නවා. සජිත් ප්‍රේම­දාස මහතා ජන­ප­ති­ව­ර­ණ­යට ඉල්ලන්න අව­ස්ථාව ලබා­දෙන්න කියා කිව්ව­හම රනිල් වික්‍ර­ම­සිංහ මහතා කිව්වා ඔබට ජන­ප­ති­ව­ර­ණය ජය­ග්‍ර­හ­ණය කරන්න තිබෙන හැකි­යාව ක්‍රම­වේ­දය ඡන්දය දිනන්න පුළු­වන් සූත්‍රය පෙන්නන්න කියලා. අපි දැන් වසර පහ­කට ආසන්න කාල­යක් බලයේ ඉන්නවා. ඡන්දය දිනන හැටි පෙන්නන්න. මොකද 2015 දී අපිත් සමඟ සිටි බල­වේග අද වන­විට අපිත් සමඟ සිටි­න­වාද? ඒකත් තේරුම් අර­ගෙන මේ මැති­ව­ර­ණය දිනන්න පුළු­වන් ක්‍රමය ඉදි­රි­පත් කරන්න කියා රනිල් වික්‍ර­ම­සිංහ මහතා සජිත් ප්‍රේම­දාස මහ­තාට කිව්වා.

එක්සත් ජාතික පක්ෂ­යට සැක­යක් තිබෙ­න­වාද අව­සන් මොහොතේ ගෝඨා­භය රාජ­පක්ෂ මහතා ජන­ප­ති­ව­ර­ණ­යට ඉදි­රි­පත් නොවී සිටීවි කියලා?

අපි ඒ ගැන හිත­ල­වත් නෑ. අපි තෝරන්නේ අපේ අපේ­ක්ෂ­කයා. ගෝඨා­භය රාජ­පක්ෂ ජන­ප­ති­ව­ර­ණ­යට එන­වද නැද්ද කියන එක අපිට ප්‍රශ්න­යක් නෙවෙයි. අපිට පරා­ජය කරන්න පුළු­වන් ලේසිම අපේ­ක්ෂ­කයා තමයි ගෝඨා­භය රාජ­පක්ෂ. ගෝඨා­භය එන එක අපිට ගොඩාක් හොඳයි.

ඇල්පි­ටිය පළාත් පාලන ආය­ත­නයේ ඉදි­රි­යේදී පැවැ­ත්වී­මට නිය­මිත ඡන්දය නොප­වත්වා එය කල් දමන ලෙස ඉල්ලා ශ්‍රේෂ්ඨා­ධි­ක­ර­ණ­යට පෙත්ස­මක් ගොනු­කර තිබෙ­නවා. මේ සිදු­වීම පිළි­බඳ දේශ­පා­ල­නි­කව එජා­පයේ ස්ථාව­රය කෙබඳු ද?

අපිට ප්‍රශ්න­යක් නෑ. ඇල්පි­ටිය කියන්නේ මුළු ලංකා­වම නෙවෙ­යිනේ. ලංකාව ඇල්පි­ටි­යට වඩා වෙනස්.

ඇල්පි­ටිය පළාත් පාලන ආය­ත­නය ජය­ගන්නා අය ජනා­ධි­ප­ති­ව­ර­ණ­යත් ජය ගන්නා බව විප­ක්ෂය කිය­නවා. ඔබේ පිළි­තුර කුමක්ද?

ඇල්පි­ටියේ ඡන්ද ප්‍රති­ඵ­ල­යෙන් මුළු ලංකා­වම විද්‍ය­මාන වෙන්නේ න‍ෑ. ඇල්පි­ටිය කියන්නේ ලංකාවේ ම ජන සංයු­තිය නොවේ‍. ඇල්පි­ටිය මුළු ලංකා­වම ජන සංයු­තිය ප්‍රකා­ශ­යට පත් කරන නිද­ර්ශ­න­යක් නෙවේ. එය උදා­හ­ර­ණ­යක් විදි­යට ගන්න බෑ.

ඇල්පි­ටියේ ඡන්දය කල් දාන්න කියා ඉල්ලා තියෙන්නේ එජාප පාක්ෂි­ක­යන්ද?

නෑ‍. ඒවට අපේ සම්බ­න්ධ­යක් නෑ.

විධා­යක ජනා­ධි­පති ධූරය අහෝසි කිරී­මට කඩි­න­මින් කැබි­නට් රැස්වී­මක් තිබ්බේ ඇයි?

විවිධ පුද්ග­ල­යා­ගෙන් ලිපි හුව­මාරු වුණා. රනිල් වික්‍ර­ම­සිංහ මහතා විධා­යක ජනා­ධි­ප­ති­ධ‍ූ­රය අහෝසි කිරී­මට විරු­ද්ධයි කියලා. මේක එයා තියා­ගෙන ඉන්නේ එයාට ජන­පති වෙන්න කිය­ලයි ඒ අය කියන්නේ. රනිල් වික්‍ර­ම­සිංහ මහ­ත්ත­යාට පෙන්නන්න අවශ්‍ය වුණා තමා විධා­යක ජනා­ධි­පති ධූරය අහෝසි කර­න­වට විරුද්ධ නැති බව. ඒකයි එවැනි කැබි­නට් හමු­වක් තිබ්බේ. ජනා­ධි­ප­ති­ව­ර­යත් සමඟ සාකච්ඡා කරලා එය කැබි­නට් මණ්ඩ­ලයේ සාක­ච්ඡා­වට භාජන කෙරුවේ.

සම­හරු කියන්නේ මෙලෙස විධා­යක ජනා­ධි­පති ධූරය අහෝසි කරන්න කඩි­නම් කැබි­නට් රැස්වී­මක් තිබ්බේ ගෝඨා­භය ජන­ප­ති­වීම දකි­න්නට අක­මැති පොහො­ට්ටුවේ අයත් සජිත් ජන­ප­ති­වීම දකි­න්නට අක­මැති එජා­පයේ පිරි­ස­කුත් කිය­ලයි. ඇත්තද මේ කතා.

ඕවා මෝඩ කතා. මාසෙන් මේ ඔක්කොම කරන්න පුළු­වන්ද? මාස එක­හ­මා­රෙන් දෙකෙන් තුනෙන් දෙකක් අරන් ජන­මත විචා­ර­ණ­ය­කට යන්න පුළු­වන්ද? මේක කළේ විධා­යක ජන­පති ධූරය අහෝසි කිරීමේ ප්‍රති­ප­ත්තියේ රනිල් වික්‍ර­ම­සිංහ මහතා දිග­ටම ඉන්නවා කියන එක පෙන්න­න්නයි.

Comments