ලෝක සෞඛ්ය සංවිධානයේ කලාපීය නියෝජිත කණ්ඩායම විසින් නිකුත් කරන වලංගුකරණ සහතිකය ශ්රී ලංකාවට ලබා ගැනීමට නයින්වෙල්ස් රෝහලේ සහය
එච්.අයි.වී. (HIV) සහ උපදංශය (Syphilis) වැනි ලිංගාශ්රිත රෝග මව්වරුන්ගෙන් දරුවන්ට සම්ප්රේෂණය වීම වැළක්වීම සඳහා ශ්රී ලංකාව දරන වෑයමට සිය සහයෝගය ලබා දෙමින් නයින්වෙල්ස් රෝහලේ කළමනාකාරීත්වය පසුගියදා සෞඛ්ය අමාත්යංශයේ ලිංගාශ්රිත රෝග/ඒඩ්ස් වැළැක්වීමේ ජාතික වැඩසටහන (NSACP) සහ ලෝක සෞඛ්ය සංවිධානයේ (WHO) කලාපීය තහවුරු කිරීමේ කණ්ඩායම හමු විය.
ලිංගාශ්රිත රෝග මව්වරුන්ගෙන් දරුවන්ට සම්පේ්රෂණය වීම වැළැක්වීමට අදාළව NSACP විසින් ඉදිරිපත් කළ දත්ත සනාථ කරගැනීම සඳහා කලාපීය නියෝජිත කණ්ඩායම මෙරට සංචාරයක නිරත වූ අතර එහි එක් පියවරක් ලෙස ඔවුන් නයින්වෙල්ස් රෝහල වෙත පැමිණියහ.
ඒ පිළිබඳව අදහස් දක්වමින් නයින්වෙල්ස් රෝහල් ප්රධාන මෙහෙයුම් නිලධාරී සහ වෛද්ය අධ්යක්ෂ විභාෂ් විජේරත්න මහතා මෙසේ පැවසීය. ”නයින්වෙල්ස් රෝහල ශ්රී ලංකාවේ මාතෘ හා ළදරු සෞඛ්ය වෙනුවෙන් කවදත් ඇපකැප වී කටයුතු කරන රෝහලක්. ඒ අංශයෙන් කලාපයේ ඉහළම ප්රමිතීන් වෙත ළඟා වීම උදෙසා අප කාලයක් මුළුල්ලේ රාජ්ය ආයතන සමඟ සමීපව කටයුතු කරමින් සිටිනවා.