ජනාධිපතිවරණයේ දේශපාලන කටයුතුවලට දරුවන් යොදා ගැනීම මඟින් කායික හෝ මානසික හිංසනයකට ලක්වන බවත් එය ළමා අපයෝජනයක් සේ සලකා කටයුතු කිරීමට සිදු වන බවත් ජාතික ළමා ආරක්ෂක අධිකාරියේ අධ්යක්ෂ ජනරාල් අනෝමා සිරිවර්ධන මහත්මිය පවසයි.
ජනාධිපතිවරණය ප්රකාශයට පත්කර ඇති මේ අවස්ථාවේදී ළමයින් විවිධ ක්රම ඔස්සේ දේශපාලන කටයුතු සඳහා සහභාගී කර ගන්නා බවට මහජනතාවගෙන් ජාතික ළමා ආරක්ෂක අධිකාරිය වෙත තොරතුරු ලැබී ඇති බවද ඇය පෙන්වා දෙයි. එවන් ළමා අපයෝජනයන් සම්බන්ධව වාර්තා වුවහොත් අදාළ නීතිමය කටයුතු සිදු කරනු ලබන බවත් 1929 ඔස්සේ එවන් තොරතුරු දැනුම් දෙන ලෙසද ඇය ඉල්ලා සිටින අතර දරුවන් දේශපාලන කටයුතු සඳහා ළමයින් යොදා නොගන්නා ලෙස ජාතික ළමා ආරක්ෂක අධිකාරිය සියලු දේශපාලන පක්ෂ වලින්, ස්වාධීන කණ්ඩායම් හා තැනැත්තන්ගෙන් ඉල්ලා සිටී.