ඩේලි නිවුස් පුවත්පතේ හිටපු ප්රධාන කර්තෘවරයකු වන බන්දුල ජයසේකර මහතා රුධිරගත පිළිකා රෝගයකින් පෙළෙන බව හඳුනාගෙන ඇත.
තම ජීවිතය රැකගැනීම සඳහා සිංගප්පූරුවේ දී සිදු කිරීමට නියමිත ප්රතිකාරයන්ට ආධාර කරන ලෙස ඒ මහතා ඉල්ලා සිටී. ඔහු තම රෝගී තත්ත්වය ගැන විස්තර කළේ මෙසේය.
“සිංගප්පූරුවේදී ඇටමිදුළු බද්ධ කිරීමක් සිදු කළ යුතු බව වෛද්යවරුන් ප්රකාශ කළා. එසේ නොකළහොත් වසර දෙකකට වඩා ජීවත්වීමේ හැකියාව ඇත්තේ රෝගය වැලඳුණු සියයට 50 කට පමණක් බවත් ඔවුන් දන්වා සිටියා.”
සිංගප්පූරුවේ ජාතික විශ්වවිද්යාල පිළිකා ආයතනය තක්සේරු කර ඇති ආකාරයට ශල්ය කර්මය සඳහා සිංගප්පූරු ඩොලර් 220,000 ක් වැයවේ යැයි අපේක්ෂා කෙරේ. එය මෙරට මුදලින් රුපියල් මිලියන 30 ක් පමණවේ.
ඒ සඳහා ජ්යෙෂ්ඨ මාධ්යවේදී බන්දුල ජයසේකර මහතාට උපකාර කිරීමේ අදහසින් ඔහුගේ මිතුරන් තිදෙනෙක් තවත් අයගේ සහාය ඇතිව අරමුදල රැස්කිරීමට කොමර්ෂල් බැංකුවේ ගිණුමක් ආරම්භ කර ඇත. එහි විස්තර මෙසේය.
කොමර්ෂල් බැංකුව, බත්තරමුල්ල, ශ්රී ලංකාව ගිණුම් අංකය 8005463011, බැංකු කේතය 7056 ශාඛා කේතය 029, ස්විෆ්ට් කේතය CCEYLKLX. විදේශවල සිට මුදල් එවන අය කරුණාකර ගිණුමේ නම ලෙස Bandula jayasekara ලෙස යොදන ලෙස බන්දුල ජයසේකර මහතා ඉල්ලා සිටී.