ලංකා­වට හිල්ටන් හෝටල්11ක් | සිළුමිණ

ලංකා­වට හිල්ටන් හෝටල්11ක්

 

කොළඹ හිල්ටන් හෝට­ලයේ සාමා­න්‍යා­ධි­කාරි මනේෂ් ප්‍රනාන්දු මහතා, අවු­රුදු 23ක හෝටල් ක්ෂේත්‍රයේ අත්දැ­කීම් ඇති ප්‍රවී­ණ­යෙකි.

ඉදි­රි­යේදි, රට­පුරා ව්‍යාප්ත වීමට නිය­මිත හිල්ටන් ජාලය සමඟ ඔහුට ද වග­කීම් රැසක් පැව­රෙන අතර, ශ්‍රී ලංකාවේ ප්‍රාදේ­ශීය සාමා­න්‍යා­ධි­කා­රි­ව­රයා ලෙස ඔහු උසස් කිරී­මට, සිංග­ප්පූරු හිල්ටන් ප්‍රධාන කාර්යා­ලය කට­යුතු කර තිබේ. මේ කතා බහ ඒ නිමි­ත්තෙනි.

 

• හිල්ටන් සාමා­න්‍යා­ධි­කාරි තන­තු­රට අම­ත­රව ඔබට පැව­රුණු මේ අලුත් වග­කීම කුමක්ද...

එය, හිල්ටන් සිංග­ප්පූරු ප්‍රධාන කාර්යා­ල­යෙන් පිරි­නැමූ උස­ස්වී­මක්. ලංකාවේ GM තන­තුරේ හිඳිද්දී ම, ඉදි­රි­යේදි ව්‍යාප්ත­වී­මට නිය­මිත හිල්ටන් ජාලය වෙනු­වෙන් Area General Manager වරයා ලෙස ඔවුන් මා පත්කොට තිබෙ­නවා. එය මට, වැඩි­යෙන් වැඩ­ක­ර­න්නට ලැබුණු, හොඳ අව­ස්ථා­වක්.

• අපේ රටට ඇයි, මෙහෙම තන­තු­රක්...

හිල්ටන් සහ ජයික් හිල්ටන් පම­ණයි, දැනට අපේ තිබෙන හිල්ටන් ජාල­යට අයත් හෝටල් දෙක. නමුත් ඉදි­රි­යේදි ලංකාව පුරා තවත් හිල්ටන් හෝටල් ‍නවයක් ව්‍යාප්ත වනවා. හිල්ටන් ආධි­පත්‍ය වැඩි­ක­ර­ග­න්නට නම්, හුඟක් වැඩි­යෙන් වැඩ­ක­රන්න වේවි. ඔවුන් මා පත්කොට තිබෙන්නේ, ඒ දුෂ්කර අභි­යෝ­ගය වෙනු­වෙන්.

• මෙහෙම තන­තු­රක් ලංකා­වට ලැබෙන්නේ පළමු වතා­ව­ටද...

නැහැ. හරි­යට ම අවු­රුදු පහ­ළො­ව­කට පස්සේ. මීට අවු­රුදු 15කට කලින් මේ තන­තුරේ හිටියේ, කොළඹ හිල්ටන් හෝට­ලයේ සාමා­න්‍යා­ධි­කා­රි­ව­රයා ලෙස කට­යුතු කර­ද්දිම, මාල­දි­ව­යින, මිය­න්මා­රය, පකි­ස්ථා­නය සහ බංග්ලා­දේ­ශ­යත් බාරව කට­යුතු කළ ගාමිණි ප්‍රනාන්දු මහ­ත්මයා. ඒ මහ­ත්මයා සාමා­න්‍යා­ධි­කාරි තන­තුරේ කට­යුතු කරද්දි, මං මේ හිල්ටන් හෝට­ලයේ ‘ට්‍රේනි’ කෙනෙක්. ඒක හරි දෛවෝ­ප­ගත සිදු­වී­මක්.

• අලුත් කලා­පීය සාමා­න්‍යා­ධි­කා­රි­ව­රයා ලෙස, ඔබේ පර­මාර්ථ මොන­වද...

මේ රටේ ඕනෑම පුර­වැ­සි­ය­කුට පහ­සු­වෙන් යා හැකි පරිදි, තමන්ගේ නිවෙසේ සිට මීටර් හත­ළි­හක් දුරින් හැම ගමක් නග­ර­යක්ම ආව­ර­ණය වන පරිදි මේ රටේ හිල්ටන් ජාලය ව්‍යාප්ත කිරීම.

• හිල්ටන් හෝටල් 11ක් ව්‍යාප්ත වෙද්දි මොන තරම් රැකියා ප්‍රමා­ණ­යක් රටට ලැබෙ­යිද...

උදා­වන ඍජු රැකියා අවස්ථා ප්‍රමා­ණ­යට වඩා මං සතුටු වෙන්නේ මෙතැ­නින් බිහි­වන ජාත්‍ය­න්තර තලයේ ශ්‍රමික පිරිස ගැන. මේ හිල්ටන් අවු­රුදු 33ක ඉති­හා­සය තුළ මෙතැ­නින් පුරුදු පුහු­ණුව හෝටල් ක්ෂේත්‍රයේ ඉහ­ළට ගිය පිරිස, දහ­දා­හ­කට වඩා වැඩියි. දෙස් විදෙස් ඕනෙ හෝට­ල­යක හිල්ටන් වැඩ­ක­රපු එක්කෙ­නෙක් හරි ඉන්නවා. එහෙම බලද්දි හිල්ටන් කියන්නෙ, හෝටල් ක්ෂේත්‍ර­යට විශ්ව­වි­ද්‍යා­ල­යක්. ඉතින්, රට­පුරා හිල්ටන් හෝටල් එකො­ළ­හක් හැදෙ­නවා කියන්නෙ, රටට විශ්ව­වි­ද්‍යාල 11ක් හැදෙ­නවා කියන එක. ඒ වගේම, හිල්ටන් වැඩ­කළා කියන්නෙ, ලෝකෙ ඕනෙම හෝට­ල­යක රස්සා­ව­කට යද්දි හොඳ පිළි­ගැ­නී­මක් ලැබෙ­නවා කියන එකයි.

• හිල්ටන් හෝට­ල­යෙන් වෘත්තීය ජීවි­තය අර­ඹන්න කැමැති අයට අත දෙන්න කැමැ­තිද...

ඔව්. ඒ ලෙවල් නෙවෙයි ඕ - ලෙවල් නැති වුණත් පුංචිම තැනින් වැඩ­ප­ටන් ගන්න පුළු­වන්. ලැදි­යාව, ආසාව තියෙ­නවා නම් පිඟන් හෝද­ලත් ඉහ­ළට ගිය මිනිස්සු මේ ක්ෂේත්‍රයේ ඕනෙ තරම් ඉන්නවා. අපිට එහෙම දියුණු වෙන්න කැමැති ආධු­නි­ක­යන් දැක්කම හඳු­නා­ග­න්නත් පුළු­වන්. ඈත ගමක තරු­ණ­ය­කුට වුණත් පුළු­වන් උව­ම­නාව උන­න්දුව තියේ නම් ඒ පුංචිම තැනින් පටන් ගන්න, නැති­නම් අනා­ග­තයේ ඔබේ ගමේ නග­රයේ ඉදි­වන හිල්ටන් හෝට­ලයේ මානව සම්පත් අංශ­යට ඍජුව කතා කරන්න.

• කොයි­ත­රම් සේවක පිරි­සක් දැනට මේ හෝට­ලයේ වැඩ කර­න­වද...

ස්ථිර සේව­කයො 666ක්. ඊට අම­ත­රව, හෝටල් පාස­ලෙන්, නයිටා ආය­ත­න­යෙන්, ආධු­නි­ක­යන් ලෙස පුහු­ණුව ලබන එක­සිය පණ­හක් විතර හැම දව­ස­කම මෙතැන වැඩ. එක කණ්ඩා­ය­මක් යන පර­ක්කු­වෙන් තව කණ්ඩා­ය­මක් එනවා. ඇත්ත­ටම මෙතැන විශ්ව­වි­ද්‍යා­ල­ය­ක­ටත් වඩා කාර්ය බහුල තැනක්. අධ්‍යා­ප­නය හා රස්සාව එක­විට කරන්න ලැබෙන තැනක්.

• හිල්ටන් කියන්නෙ ලෝකෙ මොන තරම් ව්‍යාප්ත වූ හෝටල් ජාල­යක්ද...

ලොවපුරා හිල්ටන් හෝටල් 6000කට අාසන්න ප්‍රමාණයක් තිබෙ­නවා. ලෝකෙ ඕනෙම හිල්ටන් හෝට­ල­යක ක්‍රියා­ත්මක වෙන්නෙ එකම ප්‍රමිතියක්. ලංකාවෙ වැඩ­ ක­ළොත් ඒ ජාලයේ ඕනෙම හෝට­ල­ය­කට යන්නත් අව­ස්ථාව තිබෙ­නවා. ලබන අවු­රුද්දෙ මුල වෙන­කොට යාල සහ වීර­විල හෝටල් දෙකම විවෘත වෙනවා. අනිත් ඒවත් බොහොම ඉක්ම­නින් හදලා ඉවර කර­න්නයි අපේ බලා­පො­රො­ත්තුව.

• කවුද මේ අලුත් හිල්ටන් හෝටල වෙනු­වෙන් මුදල් ‍යොදන ආයෝ­ජ­කයෝ...

මෙල්වා ස්ටීල් සමා­ගම, අලුත් හිල්ටන් හෝටල් හය­කට ආයෝ­ජ­නය කර­නවා. තව, කේ.ඩී.යු. ලෙෂර් කියන තේ අප­න­යන සමා­ගම... ඇතුළු ශ්‍රී ලාංකි­කයො කිහි­ප­දෙ­නෙක් තමයි මේ අලුත් හිල්ටන් ආයෝ­ජ­කයෝ.

• එත­කොට දැන් හිල්ටන් අයි­ති­ක­රුවො කවුද...

කොළඹ හිල්ටන් හෝට­ලයේ කළ­ම­නා­කා­රි­ත්වය සිංග­ප්පූරු හිල්ටන් යටතේ වුණාට, සිය­යට සිය­යක සම්පූර්ණ අයි­තිය ආණ්ඩු­වට. ජයික් ‍හිල්ටන් හෝට­ලයේ සම්පූර්ණ අයි­තිය ලංකාවේ ප්‍රකට ව්‍යාපා­රික, හයි­ඩ්‍රා­මනි පවු­ලට. නමුත්, ප්‍රාදේ­ශීය සාමා­න්‍යා­ධි­කා­රි­ව­රයා විදි­යට මේ හෝටල් දෙකම බල­න්නෙත් මං.

• ලංකා­වට මුලින්ම හිල්ටන් හෝට­ල­යක අයි­තිය ගෙනාවෙ කවුද...

සුප්‍ර­කට කෝනල්ස් සමා­ගමේ හිමි­කරු කෝනල් පෙරේරා මහ­ත්මයා. ඔහු තමයි, ලංකාවේ පළමු හිල්ටන් ආයෝ­ජ­කයා. ඒ වගේම, විවෘත ආර්ථි­ක­යෙන් පස්සෙ ජේ.ආ‍ර්. ජය­ව­ර්ධන මහ­ත්මයා තමයි, හිල්ටන්, ලංකා­වට ගේන්න මූලික වුණේ. ඒ වෙලාවෙ රට දියුණු කරන්න, ජාත්‍ය­න්තර ව්‍යාපා­රික හමු­වීම් වැඩි­ක­රන්න හිල්ටන් වගේ, වාණිජ වටි­නා­ක­ම­කින් යුතු හෝට­ල­යක අව­ශ්‍ය­තාව එතුමා දුටුවා. එදා ඉඳ­ලම හිල්ටන් ක්‍රියා­ත්මක වුණේ යම්කිසි ප්‍රති­පත්ති සහ නීති රාමු­වක් ඇතුළේ. අපි හැමෝම ඒවා රකින්න බැඳිලා ඉන්නවා. නිර්මා­තෘ­වරු නැති වුණත් හිල්ටන් සම්ප්‍ර­දාය තුළ, ආය­ත­න­යට අය­හ­ප­තක් වෙන කිසිම දෙයක් අංශු­මා­ත්‍ර­ය­කි­න්වත් වෙන්නෙ නැහැ. ඒක එදත් ‍එහෙමයි. අදත් එහෙ­මයි.

• මොන­වද ඔබට ආවේ­ණික කළ­ම­නා­ක­රණ ගුණාංග...

මං කව­දා­වත්, තමන්ගෙ බොස්ව ‘බයි­පාස්’ කර­ගෙන මං ගාවට එන්න, සේව­ක­යන්ට අනු­බල දෙන්නෙ නැහැ. එහෙම එන්න පුළු­වන් තමන්ගෙ බොස් නිදි­යා­ගෙන ඉන්නවා නම් විත­රයි. වැඩ නොක­ර­නවා නම් විත­රයි. Open door policy එකට මං ඉඩ දෙනවා. හැබැයි කේළම් කියන්න නෙවෙයි. රඟ­පාන්න නෙවෙයි. මගේ ජීවි­ත­යට මේ ප්‍රති­පත්ති ආවේ මගේ තාත්ත­ගෙන්. මගේ තාත්තත් හෝටල් ක්ෂේත්‍රයේ දීර්ඝ ඉති­හා­ස­යක් තිබුණු ජ්‍යෙෂ්ඨ­යෙක්. ඔහුගේ ආද­ර්ශය පුංචි කාලෙ ඉඳලා මගේ ජීවි­ත­යට යහ­පත් දේ එකතු කළා.

• ආණ්ඩු­වට අයිති බොහෝ තැන් පාඩු ලබද්දි හිල්ටන් විත­රක් මෙහෙම තියෙන්නෙ කොහො­මද...

හිල්ටන් කියන්නෙ කිසිම දේශ­පා­ල­ක­යෙ­කු­ට­වත් දේශ­පා­ල­ක­යන්ගෙ ඕඩ­ර්ස්ව­ල­ට­වත් නිකන් ආහා­ර­පාන සප­යන තැනක් නෙවෙයි. ඕනෙ ඕනෙ විදි­යට හසු­රු­වන්න මේවා අපේ පුද්ග­ලික දේප­ළත් නෙවෙයි. අපේ සේවය අවශ්‍ය නම්, සල්ලි ගෙව්වම අපි ඒ හැමෝ­ටම ගෞර­ව­නීය සේව­යක් ලබා දෙනවා. ඒ වගේම, අපි පින් දහම් කර­නවා. හැබැයි අපේ මුද­ල්ව­ලින්.

ඒ හැරෙන්න ආය­ත­නික නීති රාමු­වෙන් පිට පැනලා, හිල්ටන් හෝට­ලයේ සල්ලි­ව­ලින් අපි අපිට ඕන පිං කරන්න යන්නෙ නැහැ. මේක ව්‍යාපා­ර­යක්. ව්‍යාපා­රයේ සල්ලි ඕනෙ ඕනෙ විදි­හට අදින්න ගියොත් ඒ ව්‍යාපා­රය දව­සක බංකො­ලොත් වෙන­වා­මයි. දේශ­පා­ල­කයො කියන කියන දේ කරන්න නම් මැනේ­ජ්මන්ට් ටීම් එකක් මොක­ටද... මම නම් හිතන්නෙ රාජ්‍ය සේවයේ ඉන්න හැම කෙනෙක්ම වට­හා­ගන්න ඕනෙ මේ දේ. මං හැම වෙලා­වෙම හිතන්නෙ හිල්ටන් කියන්නෙ මේ රටේ ජන­තා­වට අයිති සම්ප­තක් කියලා.

අනික දේශ­පා­ලක­යොත් ඔය කියන තරම් නරක නැහැ. හරි­යට ගෞර­ව­නීය විදි­යට කිව්වොත් ඒ අය පිළි­ග­න්නවා. මොකද, ඒ අයත් මොළ­යක් තියෙන මිනිස්සු. කියන කියන දේ කරලා රාජ්‍ය ආය­තන පාඩු ලබන තත්ව­යට ගෙනා­වොත් ඒක සිය­යට අනූ­වක්ම ආය­ත­නය බාර නාය­ක­යාගේ වරද. ඒ නිසා බය නැතිව හරි දේ වෙනු­වෙන් පෙනී සිටී­මයි, නාය­ක­ය­කුගේ පළමු වග­කීම. මං ඉන්නෙ එතැන.

 

Comments