සමුද්‍ර සේවා , නාවුක කටයුතු සම්බන්ධයෙන් ලොව ප්‍රමුඛතම සමාගම් අතර ඉදිරියෙන්ම සිටින ශ්‍රී ලාංකික සමාගමක් වන මාස්ටර් ඩයිවර්ස් සමාගම නාවුක ක්ෂේත්‍රයේ දශක 4 සම්පූර්ණ කරයි. W A Tucker සමාගම සහ මාස්ටර් ඩයිවර්ස් සමාගම වසර 40ක් තිස්සේ ලැබූ පළපුරුද්ද සහ අත්දැකීම් පදනම් කරගනිමින් සිය 40 වන සංවත්සරය වඩා හොඳම දේ එක්වීම (‘Better Together’) යන්න තේමා කරගනිමින් පැවැත්වීමට පසුගියදා කටයුතු යොදා තිබුණි.
වරාය මූලික කරගත් නෞකා ක්‍රියාකාරකම්, සහ අක් වෙරළ කටයුතු , නාවුක ඉදිකිරීම් ක්‍රියාකාරකම් ආදී ක්ෂේත්‍රවල ප්‍රමුඛයින් වන මාස්ටර් ඩයිවර්ස් සමාගම තායිලන්තය, මාලදිවයින, ඉන්දියාව, සිංගප්පූරුව, සහ සෞදි අරාබිය ආදී රටවල් සමඟ සම්බන්ධ වී කටයුතු කරයි. නාවුක ක්‍රියාකාරකම් සම්බන්ධයෙන් අවශ්‍ය උපකරණ, යන්ත්‍ර සූත්‍ර මෙන්ම යාත්‍රා සතු අසියානු කලාපයේ එකම සමාගම වන්නේ මාස්ටර් ඩයිවර්ස් සමාගමයි.
ආසියානු කලාපයේ විශාලතම ටග් යාත්‍රාව මාස්ටර් ඩයිවර්ස් සතු වන අතර නෞකා බඳ පිරිසුදු කිරීම සඳහා වන ලොව විශාලතම යන්ත්‍රය ද මාස්ටර් ඩයිවර්ස් සමාගම සතු වෙයි.
වසර හතළිහක ගමන සහ අඛණ්ඩ සේවා විශිෂ්ටත්වය පිළිබඳව අදහස් දැක්වූ මාස්ටර් ඩයිවර්ස් සහ ඩබ්. ඒ ටකර් හි නිර්මාතෘ සහ සභාපති ආරියශිල වික්‍රමනායක මහතා සදහන් කළේ, නෞකා සහ සමුද්‍රිය කටයුතු සම්බන්ධයෙන් පැරැණිතම මෙන්ම කිර්තිමත් සමාගමක් ලෙස සර්ව සම්පූර්ණ කඩිනම් උසස් සේවාවක් සැපයීම තුළින් මෙම සාර්ථක පියවරට ළඟා වූ බවයි.
