ඉන්දියානු මහ කොමසාරිස් කාර්යාලය මඟින් 2020-2021 අධ්‍යයන සැසි සඳහා ශිෂ්‍යත්ව සඳහා අයදුම්පත් කැඳවා ඇත. ඒ යටතේ පශ්චාත් හා ආචාර්ය උපාධි සඳහා අයැදුම් කළ හැකිය.
ඉංජිනේරු, විද්‍යා, ව්‍යාපාර, ආර්ථික විද්‍යාව, වාණිජ, මානව ශාස්ත්‍ර හා කලා ‘තොරතුරු තාක්ෂණ’ ඇතුළු බෙහෝ උපාධි පාඨමාලා සඳහා අයැදුම් කළ හැකිය. මෙම ශිෂ්‍යත්ව ප්‍රදානය කිරීම සඳහා ඉන්දීය රජය දක්ෂ ශ්‍රී ලාංකිකයන් තෝරා ගන්නා අතර ශ්‍රී ලංකා රජයේ උසස් අධ්‍යාපන අමාත්‍යාංශය සමඟ සාකච්ඡා කර ඉන්දියාවේ ඉහළම පෙළේ විශ්ව විද්‍යාල කිහිපයක උපාධි, පශ්චාත් උපාධි සහ ආචාර්ය උපාධි ලබා ගැනීම සඳහා සිදු කෙරේ. සියලුම ශිෂ්‍යත්ව ලාභීනට මාසික ආහාර දීමනාව සහ පොත් සහ ලිපි ද්‍රව්‍ය සඳහා වාර්ෂික ප්‍රදානයන් සිදු කෙරේ. සම්පූර්ණ උපකාරක ගාස්තු ආවරණය කරනු ලබන අතර තෝරාගත් අපේක්ෂකයින්ට නේවාසිකාගාර පහසුකම් ද ලබා දෙනු ඇත. පූර්ණ සෞඛළු පහසුකම්, ගුවන් ගාස්තු සහ දිවයිනේ විවිධ ප්‍රදේශවලට අධ්‍යාපන චාරිකා සඳහා වාර්ෂික ප්‍රදානයක් ලබා දෙනු ඇත. සියලු විස්තර www.mohe.gov.lk වෙබ් අඩවියෙන් ලබා ගත හැකිය.
