සිංගර් ශ්‍රී ලංකා සමාගම, නවතම ශීතකරණ මාදිලි හයක්, කිංස්බරි හෝටලයේදී පසුගියදා එළි දැක්විය. එළිදැක්වීමේ උලෙළ, සිංගර් ශ්‍රී ලංකා සමාගමේ සභාපති මොහාන් පණ්ඩිතගේ මහතාගේ හා සිංගර් ශ්‍රී ලංකා සමාගමේ ප්‍රධාන විධායක නිලධාරී මහේෂ් විජේවර්ධන, සිංගර් ශ්‍රී ලංකා සමාගමේ අලෙවි අධ්‍යක්ෂ කුමාර් සමරසිංහ යන මහත්වරුන්ගේ සහභාගිත්වයෙන් පැවැත්විණි. අලුතෙන්ම හඳුන්වා දුන් මාදිලිවල විශේෂත්වය නම්, ඒවා ලීටර් 260 සිට ලීටර් 300 දක්වා ඉහළ ධාරිතාවයකින් යුක්ත වීමයි. R600a ශක්තිය ඉතිරි කරන, ඉන්වර්ටර් තාක්ෂණයෙන් යුත් මෙම ශීතකරණ, වැඩි ශක්තියක් වැය වන අනෙකුත් ශීතකරණ අතර සුවිශේෂී වෙයි.
2013 වසරේදී, ශක්තිය ඉතිරි කරන අංග ඇතුළත් කෙටි කාලයකින් ජනප්‍රිය R600a තාක්ෂණය දකුණු ආසියාවට හඳුන්වා දීමේ පුරෝගාමියා සිංගර් ශ්‍රී ලංකා සමාගම විය. ශ්‍රී ලංකාවේ ශීතකරණ වෙළෙඳපොළෙන් 50%කට වැඩි වෙළෙඳපොළක් අඛණ්ඩව අත්පත් කර ගෙන සිටීමේ හැකියාවද සිංගර් ශ්‍රී ලංකා සමාගම සතුව තිබේ. ඒ හැරුණු විට, 2017 අග භාගයේදී මුල්වරට ශ්‍රී ලංකාවේ නිෂ්පාදනය කළ Geo Smart intelligent ශීතකරණයද සිංගර් ශ්‍රී ලංකා සමාගම වෙතින් වෙළෙඳපොළට නිකුත් කෙරිණි.
හඳුන්වා දුන් නවතම සිංගර් ශීතකරණ සමඟින් ඩෝ සෙන්ට්‍රි, ලෝඩ් ඩිටෙක්ෂන්, ඇම්බියන්ට් ටෙම්ප්‍රෙෂර් ඩිටෙක්ටර්, ස්මාර්ට් එනර්ජි සේවර්, හියුමිඩිටි කන්ට්‍රෝලර්, ඩිජිටල් ඉන්වර්ටර් ආදී වි‍ෙශ්ෂාංගද, දස වසරක් සඳහා පිරිනැමෙන, වටිනා සිංගර් වගකීම් සහතිකයද හිමි වේ.
