ජනාධිපතිවරයා ලෙස ගෝඨාභය රාජපක්ෂ මහතා දිවුරුම් දුන් දිනට පසු දින සිට අගමැතිවරයා දිවුරුම් දුන් බ්රහස්පතින්දා රාත්රිය වන තුරු මහර ආසනයේ බොහෝ ප්රදේශවලට ජල සැපයුම අඛණ්ඩව කපා දැමීම පිටුපස රාජ්ය විරෝධී ක්රියාවක් හෝ යම් කඩාකප්පල්කාරී ක්රියාවක් හෝ අනිවාර්යෙන්ම සිදුව තිබෙන බැවින් ඒ සම්බන්ධව විශේෂ විමර්ශනයක්
පවත්වන ලෙස මහර ජනතාව විසින් මේ වන විටත් ජනාධිපති ලේකම්වරයා වෙත ලිඛිතව දැනුම් දී ඇත.
දින 3කට ආසන්න කාලයක් මෙසේ පූර්ණ ජල කප්පාදුවක් සිදු කර ඇති අතර ඒ සම්බන්ධව මහර ප්රාදේශීය කාර්යාලයේ දුරකතන අංක 0112911228 හා 0114886815 ඔස්සේ පාරිභොගිකයින් විමසන්නට උත්සාහ කළද දුරකතන විසන්ධි කිරීමට ජල කළමනාකරණ ප්රාදේශීය මධ්යස්ථානය විසින් කටයුතු කර තිබේ. පසුව බියගම කලාප ඉංජිනේරුවරයාගෙන් විමසීමකදී ඔහු පැවසුවේ එය ට්රාන්ස්ෆෝමරයක් අක්රිය වීම නිසා සිදුවූවක් බවයි. දින 3කට ආසන්න කාලයක් ට්රාන්ස්ෆෝමරයක් පිලිස්සී තිබුණේ කෙසේද යන්න ගැටලුවක් වන අතර මේ පිළිබඳව ජනතාව දැනුවත් කිරීමට හෝ පියවර නොගැනීම පිටුපසම යම් කිසි කඩාකප්පල්කාරී හෝ රාජ්ය විරෝධී ක්රියාවක් සිදුව ඇති බවට ජනාධිපති ලේකම්වරයාට යවන ලද ලිපියේ දක්වා ඇත.