කතුවැකිය | සිළුමිණ

කතුවැකිය

සමාජ විප්ල­ව­ය­කට ජන බලය යෙද­වීම

ර්ම­නිය පම­ණක් නොව සමස්ත යුරෝ­පය ම බෙදී­ම­කට ලක් කළ විවා­දිත බර්ලින් තාප්පය බිඳ දමා හරි­යට ම වසර 30කි. 1989 නොවැ­ම්බර් 09 වැනි දින බිඳ හෙළුණු බර්ලින් තාප්පය නැගෙ­න­හිර ජර්ම­නිය සහ බට­හිර ජර්ම­නිය එක් කළා පම­ණක් නොව සමස්ත යුරෝ­පයේ ම යම් සමා­ජා­ර්ථික වෙන­ස­කට ලක් කිරී­මට හේතු වූයේය. මේ කාර්ය­ය­යේදී විශාල තිරය පසු­පස කාර්ය­භා­ර­යක් ඉටු කළ චරි­ත­යක් විය. ඔහු සෝවි­යට් සමූ­හා­ණ්ඩුවේ අව­සන් ජනා­ධි­ප­ති­ව­රයා වන මිකා­යිල් ගොර්බ­චොව් ය. නොබෙල් සාම ත්‍යාග­යෙන් පවා පුද ලද ගොර්බ­චොව් දැනට ජිවි­තයේ සැඳෑ සමය ගත කරන අතර ඔහු පසු­ගි­යදා බර්ලින් තාප්පයේ බිඳ වැටීම සහ එයින් ඇති වු ය්‍රරෝ­පීය ප්‍රබෝ­ධය ගැන ලිපි­යක් ලිවේය. කවර දේශ­පා­ලන නාය­ක­යන්, කවර ආකා­ර­යක පිය­වර ගත්තද අව­සා­නයේ ප්‍රජා­ත­න්ත්‍රීය පසු­බි­මක් තුළ රටක් ලෝක­යක් ජය­ග්‍ර­හ­ණය කර­වන්නේ ජන­තාව බව මේ ලිපි­යෙන් ඔහු අධා­ර­ණය කළේය. මේ ජන­තා­වගේ අභි­ලාශ වෙනු­වෙන් ඔවුන් විසින් පත් කරනු ලබන නාය­ක­යන් පෙනී සිටිය යුතු බව ද ඔහු පසක් කළේ ය.

ප්‍රජා­ත­න්ත්‍රීය පසු­බි­මක ජන­තාව සතු බලය පිළි­බඳ ව මේ වසරේ ඡන්ද වරම හිමි­වුණු නව යොවුන් ගැට­ව­ර­යන්ට අත්ද­කි­න්නට ලැබෙන පළමු අව­ස්ථාව තවත් සති­ය­කින් උදා වනු ඇත. ඒ ශ්‍රී ලංකාවේ සත්වැනි විධා­යක ජනා­ධි­ප­ති­ව­රයා තෝරා පත් කර ගැනීම වෙනු­වෙන් පැවැ­ත්වෙන ජනා­ධි­ප­ති­ව­ර­ණ­යයි. මේ ජනා­ධි­ප­ති­ව­ර­ණයේ විශේ­ෂ­ත්ව­යක් තිබේ. එනම් මීට කලින් ජනා­ධි­පති හෝ අග­මැති ධූර නොදැරූ තර­ග­ක­රු­ව­න්ගෙන් ජනා­ධි­ප­ති­ව­රණ පොර­පි­ටිය සුසැ­ඳිම ය. ඒ අනුව ජන­තාව තුළ වඩාත් විශ්වා­සය දිනා ගත හැකි නැවුම් රාජ්‍ය නාය­ක­යකු ජනා­ධි­ප­ති­ව­රයා ලෙසින් පත් කර ගැනී­මට ශ්‍රී ලංකා වාසීන්ට ලබන සති අන්ත­යේදී අව­ස්ථාව හිමි වෙයි.

හිටපු රුසි­යානු ජනා­ධි­ප­ති­ව­රයා පව­සන ආකා­ර­යට ජන­බ­ල­ය­කට එදා නැගෙ­න­හිර සහ බට­හිර ජර්ම­නි­යට බර්ලින් තාප්පය පෙර­ළන තැනට කට­යුතු යොද­න්නට හැකි වුව ද අපට පෙර­ළ­න්නට එවැනි භෞතික තාප්ප නැත. එහෙත් අපේ සමා­ජා­ර්ථික පසු­බිම සැල­කී­මේදී හා මේ රටේ ආකල්ප චර්යා පිළි­බඳ ව සැල­කී­මේදී අපට පෙර­ළ­න්නට තාප්ප බොහෝ ඇත. මේ අදිසි පවු­රු­ව­ලින් මේ රටේ සමාජ දේහය විවි­ධා­කාර අන්ද­මින් සිරවී ඇත. ප්‍රජා­ත­න්ත්‍ර­වාදි රටක් වුවද ඇතැම් අය ඔවුන්ගේ පාල­නයේ පහ­සුව තකා හෝ බලය ලබා ගැනීමේ පහ­සුව කතා රටේ ජන­තාව විවිධ “තාප්ප­වල“ කොටු කර­ව­න්නට කට­යුතු කරන අවස්ථා ද ඇත.

මේ කතාව සරල ව කියන්නේ නම් මෙවර ජනා­ධි­ප­ති­ව­රණ සට­නේදී එක එක අපේ­ක්ෂ­ක­යන් සම්බ­න්ධ­යෙන් ගෙන ගිය මත­වාද ප්‍රචා­ර­වල අතා­ර්කික බව සහ ඒවා පසු­පස පැවති විවාද සැඟ­වුණු අර­මුණු පිළි­බඳ ව රටේ ජන­තා­වට හොඳට ම උදා­හ­රණ ඇත. බොහෝ විට සිදු­වන්නේ බිල්ලන් මැවී­මකි. මේ ඡන්ද සටනේ මුල් අව­දි­යේදී උතු­රේත් දකු­ණේත් අන­වශ්‍ය ආකා­රයේ බෝම්බ බියක් නිර්මා­ණය කිරී­මට ඇතැම් පාර්ශ්ව උත්සාහ දැරූහ. සිදු කර­ගෙන ගිය පරී­ක්ෂ­ණ­ව­ලින් තහ­වුරු වූයේ කිසිදු පද­න­ම­කින් තොරව නිර්මා­ණය කෙරුණු මේ හුඹස් බිය පසු­පස සැඟ­වුණු දේශ­පා­ල­නික අර­මුණු සහ ඊට අදාළ චරිත සිටි බව ය. පසු­ගිය අප්‍රි­යෙල් මාස­යේදී සිදුවූ මුස්ලිම් අන්ත­වා­දීන්ගේ පාස්කු ප්‍රහා­ර­යෙන් පසුව මේ රටේ ජාති­වාදී කල­බල ඇවි­ස්සීමේ කට­යුතු පසු­පස සිටියේ කවුද යන්න ජන­තාව හොඳින් දනී.

පාස්කු ප්‍රහා­ර­යෙන් ගලා ගිය රුධි­රය වේලෙ­න්න­ටත් කලින් ඊළඟ ජනා­ධි­ප­ති­ව­ර­ණ­යට එන බවට ලකුණු පළ කළ එක් සිහින නාය­ක­යෙක් අව­ස්ථා­වාදී ලෙස මේ රුධි­රය මත යළි මෙවැනි දේ සිදු නොව­න්නට තමාට බලය දෙන්නැයි ප්‍රසි­ද්ධියේ කෑ මොර ගැසු­වාද බොහෝ අයට මතක ය. සම­හරු ජාති­වාදී ගිනි­දැල් අවු­ස්ස­න්නට වුහ. එහෙත් දැන් මේ ඔවුන් ගෙන් ඇතැ­ම­කුට ලජ්ජාව වසා ගන්නට තම දේශ­පා­ලන පක්ෂ පවා ජන­තා­වට පේන්නට හැර යන තැනට ඒවා නිරු­වත් විණි.

ජන­තා­වගේ ගම­නට හරස් වන අදිසි තාප්ප, බාධක පෙර­ළී­මට ජන­තාව බලය දිය යුත්තේ එවැන ප්‍රග­ති­ශීලි ජනතා ගම­න­කට උර දෙන නාය­ක­යන්ට මිස එවැනි ගම­න­කට එරෙහි වන නාය­ක­යන්ට නොවේ. මෙතෙක් ජනා­ධි­ප­ති­කම් දරා නොමැති අපෙ­ක්ෂ­ක­යන් අතු­රෙන් රටේ නාය­ක­ත්ව­යට කෙනකු පත් කිරි­මේදී ඔහුගේ ඈත මෑත පැටි­කි­රිය විම­සිය යුතුය.

ඔවුන් රට වෙනු­වෙන්, රටේ ජන­තාව වෙනු­වෙන් පෙනී සිටි­න්නන් විය යුතුය. ජන­තා­වගේ ජීවත් වීමේ අයි­තිය ප්‍රකා­ශ­නයේ අයි­තිය රකි­න්නකු විය යුතුය. දූෂ­ණ­යෙන් අප­රාධ විෂ­මා­චාර නඩු­ව­ලින් තොර අයකු විය යුතුය. අධි­ක­ර­ණ­යක නඩු­වක් තිබු­ණත් නොබි­යව අධි­ක­ර­ණ­යක් හමු­වට ගොස් එයට මුහුණ දෙන්නකු මිස ඊනිසා අධි­ක­ර­ණ­මය වාරණ හරහා උසාවි මඟ­හ­රි­න්නකු නොවිය යුතුය. වංචා දූෂණ හෙළි­ද­රව් කෙරෙද්දී එසේ හෙළි කරන මාධ්‍ය­ව්දීන්ට පන්නා ගසා අත­පය නොක­ඩ­න්නකු විය යුතුය. මහ­ම­ගදී උල්ආ­යු­ධ­ව­ලින් ඇණ මරා දම­න්නකු නොවිය යුතුය. එසේම මත් කුඩු ජාවා­ර­ම්ක­රු­වන් සමඟ සමීප සම්බ­න්ධතා පව­ත්ව­නකු නොවිය යුතුය. ජන­තාව ඉදි­රියේ හෝ මාධ්‍ය ඉදි­රියේ නොබි­යව මුහුණ දෙන්නකු විය යුතුය. තමන් ගැන දේශ­පා­ල­නි­කව හෝ වෙනත් කවර ආකා­රයේ හෝ චෝද­නා­වක් පව­තින්නේ නම් ඒ ගැන පිළි­ගත හැකි සාක්ෂි ඉදි­රි­පත් කළ හැකි අයකු විය යුතුය. මේවා කරන නොක­රන අය ගැන ජන­තාව තුළ නිසි තක්සේ­රු­වක් තිබේ.

ජන­තාව සහ රට සම්බ­න්ධ­යෙන් පුළුල් දැක්මක් ඇති අනා­ගත ලෝකයේ හැඩ­රුව පිළි­බ­ඳව නිසි සංවේ­ද­න­යක් ඇති නාය­ක­ත්ව­යක් අද රටට අවශ්‍ය ය. මේ රටේ ජන­තාව මෙතෙක් ලබා ඇති ප්‍රජා­ත­න්ත්‍රීය අයි­තීන් සුර­කින රටේ සෑම ජාති­යක් ම පිළි­ගන්නා නාය­ක­ත්ව­යක් අවශ්‍ය ය. මොන කතා කීවත් රටේ නීතියේ ආධි­ප­ත්‍යය ගැන අල්ලස දූෂ­ණය තුරන් කිරීම ගැන එවැනි ස්ථම්භ බිඳ දැමූ අය කෙරෙහි විශ්වා­ස­යක් තැබිය නොහැ­කිය. ඒ වෙනු­වට අපට විශ්වාස කළ හැක්කේ බිම් මට්ටමේ සිට විශ්වා­ස­යක් බලා­පො­රො­ත්තු­වක් ඇති කළ, ප්‍රායෝ­ගි­ක­ත්ව­යක් ඇති තරුණ සිතුම් පැතුම් හඳු­නන දේශ­පා­ල­නික අත්දැ­කීම් ද ඇති නාය­ක­ත්ව­ය­කට පමණි. විශේ­ෂ­යෙන් සමාජ විප්ල­ව­යක් සිදු කර­වන මේ රටේ ගොඩ­නැ­ඟුණු විවිධ පවුරු පද­නම් බිඳ­ලිය හැක්කේ ජන­තාව එවැනි නාය­ක­යකු වටා බලය කේන්ද්‍ර කළ­හොත් පමණි. ඒ සඳහා මේ පුංචි ප්‍රජා­ත්න­ත්‍ර­වාදී රාජ්‍යයේ වැසි­යන්ට ලබන සෙන­සු­රාදා තම තීර­ණය ලබා දිය හැකිය. එබැ­වින් මේ දින කිහි­පය ඇතු­ළත මේ සියල්ල කිරා මැන බලා තම තමන්ගේ ජීවිත සහ රටේ අනා­ග­තය දිනා ගැනීම ගැන කල්පනා කළ යුතු ව ඇත.

Comments