රටේ තියෙන ප්‍රශ්නය අය වැය අතර පරතරය පමණක් නොවන බව ද, මේ ආණ්ඩුවලින් රජයේ වියදම් වැඩි කර ගන්න විදිහට වැඩ කළ බව ද ජනතා විමුක්ති පෙරමුණේ (ජවිපෙ) ප්‍රධාන ලේකම් ටිල්වින් සිල්වා සිළුමිණට කියා සිටියේය.
වැඩිදුරටත් අදහස් දක්වමින් ජවිපෙ ප්‍රධාන ලේකම්වරයා ප්‍රකාශ කළේ “නිෂ්පාදනය වැටිලා අපේ සුළු හා මධ්‍ය පරිමාණ ව්‍යාපාරිකයන් වැටිලා ඒ නිසා අපේ ආණ්ඩුවකදී අපේ ආදායම වැඩි කර ගන්න කටයුතු කරන්න අවශ්‍යයි. අසාධාරණ ලෙස බදු අය කරන්න අපි බලාපොරොත්තු වෙන්නෙ නැහැ.
රටේ නිෂ්පාදනය වැඩි කළ යුතුයි. එසේ නොවුණ හොත් රටටත් ආදායමත් නැහැ. ආණ්ඩුවටත් ආදායම් නැහැ. නිෂ්පාදන ආර්ථිකය ශක්තිමත්ව සකස් කළ යුතුයි. වංචා දූෂණ සහ නාස්තිය හොරකම නැවැත්විය යුතුයි. රජයේ දෙපොළ හොරකම නැවැත්විය යුතුයි. වංචා දුෂණ නැවැත්වුවාම රටේ උපදවන ජාතික ධනයෙන් විශාල කොටසක් ඉතුරු වෙනවා.
ඉන් අනතුරුව අනෙක් රටවල් සමඟ සාකච්ඡා කරමින් ණය ගෙවන්න වැඩපිළිවෙළක යන්න අපිට පුළුවන්. අය වැය පරතරය පියවා ගැනීම නිෂ්පාදනය වැඩි කිරීමට අපි බදු ප්‍රතිපත්තියකට යායුතුයි.“
සුභද්‍රා දේශප්‍රිය