1.6K
ජනතාවගේ දැවෙන ප්‍රශ්නවලට සංවේදී ප්‍රතිචාර නොදක්වන ආණ්ඩුව තම පැවැත්ම තහවුරු කරගැනීම සඳහා යෝජිත සමාජ මාධ්‍ය නියාමන පනත මඟින් අධිපතිවාදී ප්‍රයත්නයක් දරන
බව සමගි ජන බලවේගයේ පාර්ලිමේන්තු මන්ත්‍රී ඉම්තියාස් බාකිර් මාකාර් පැවසීය. ලෝක ඉතිහාසයේද බලයෙන් උමතු වී අධිපතිවාදී ප්‍රවණතාවට යොමුවූ නායකයන් කුණු බක්කියට වැටුණු අයුරු දැක ඇති බවත් මෙම පනත පිළිබඳ මාධ්‍ය සහ සමාජ මාධ්‍ය පාර්ශ්වකරුවන් සමඟ ඵලදායී සාකච්ඡාවක් සිදුකර ඔවුන්ගේ අදහස් ලබාගත යුතුව තිබුණු බවත් කීවේය. සමාජ විරෝධතා මත මීට පෙර මෙම පනත හකුළා ගැනීමට ආණ්ඩුවට සිදු වුවත් ඒ පනත හා දැන් ගෙනැවිත් තිබෙන පනත සැසඳීමේදී කිසිදු කේන්ද්‍රීය වෙනසක් සිදුකර නැති බවත් මන්ත්‍රීවරයා පැවසීය.
සුරේකා නිල්මිණි ඉලංකෝන්