ශ්‍රී ලංකාවේ ප්‍රමුඛ පෙළෙ සමූහ ව්‍යාපාරයක් වන DIMO හි සෞඛ්‍ය සේවා අංශය වන DIMO Healthcare, දෘෂ්ටි විද්‍යාව සහ දෘශ්‍ය ඉලෙක්ට්‍රොනික් යන ක්ෂේත්‍රයන් යටතේ ක්‍රියාත්මක වන ගෝලීය වශයෙන් කීර්තිමත් ව්‍යාපාරයක් වන ZEISS සමඟ එක්ව ZEISS CT LUCIA 621P Monofocal Intraocular Lens (IOL) ශ්‍රී ලංකාවට හඳුන්වා දී ඇත.
ඇසේ සුද ඉවත් කිරීමේ සැත්කම් ක්‍රියාවලියට නව අරුතක් එක් කරමින් ඉදිරිපත් කර ඇති මෙම නවෝත්පාදනය රෝගීන් සඳහා වැඩිදියුණු කළ දෘශ්‍ය ප්‍රතිඵල ලබා දෙන අතර Fully preloaded injector හෙවත් අක්‍ෂි කාචය අඩංගු ඉන්ජෙක්ටරය මඟින් ශල්‍යකර්ම ක්‍රියාපටිපාටිය පහසු කරමින් සංකූලතා ඇතිවීමේ අවදානම අඩු කරන බවත් DIMO Healthcare පවසයි.
ZEISS සමූහ ව්‍යාපාරයේ SAARC කලාපීය ප්‍රධානී විකාස් සක්සේනා මෙම තාක්ෂණය හදුන්වා දෙන අවස්ථාවේදී පැවසුවේ ZEISS CT LUCIA 621P Monofocal IOL මඟින් අක්‍ෂි ශල්‍ය වෛද්‍යවරුන් හට සිය ඇසේ සුද ඉවත් කිරිමේ ශල්‍යකර්මය කාර්යක්‍ෂම ලෙස සිදු කිරීමට අවශ්‍ය අවකාශය ලබා දෙනු ඇති බවය
