800
නීතිවිරෝධී විදේශ සංක්‍රමණිකයන් මර්දනය කිරීම සඳහා රට පුරා දියත් කොට ඇති වැඩපිළිවෙළේ පළමු දිනයේදීම සිරකරුවන් 100ක් ඇතුළුව ලියාපදිංචි නොකළ ඇෆ්ගන් සරණාගතයන් 7,300කට වැඩි පිරිසක් ටෝර්කාම් ප්‍රවේශ මාර්ගය හරහා සිය මව්බිමට පිටුවහල් කිරීමට පකිස්තානය ක්‍රියා කළේය.
ලබා දී තිබූ මාසයක කාලසීමාව ඉකුත්ව යාමත් සමඟ, පාකිස්තානය ලියාපදිංචි නොකළ සංක්‍රමණිකයන්ට එරෙහිව බදාදා දිනයේ දැවැන්ත මෙහෙයුමක් ආරම්භ කළේ ය. එහිදී රටේ විවිධ ප්‍රදේශවල සැඟව සිටි පුද්ගලයන් සිය ගණනක් අත්අඩංගුවට ගනු ලැබීය. පකිස්තාන අභ්‍යන්තර කටයුතු අමාත්‍යාංශය පවසන අන්දමට ඔක්තෝබර් මස මුල සිට ඇෆ්ගනිස්ථානුවන් විශාල සංඛ්‍යාවක් ඇතුළුව අවම වශයෙන් විදේශිකයන් 140,322ක් ස්වේච්ඡාවෙන්ම ඔවුනොවුන්ගේ ගම් රටවල් බලා ආපසු පැමිණ ඇති බවයි.
