ශ්‍රී ලංකාවේ ප්‍රමුඛතම පුද්ගලික සුව සේවා සපයන්නාවන නවලෝක රෝහල් සමූහය නත්තල් සමය වෙනුවෙන් සියලුම ශ්‍රී ලාංකිකයින්ට උණුසුම් සුබ පැතුම් එක් කරමින් සිය 10 වැනි වාර්ෂික නත්තල් කේක් මිශ්‍රණය පිළියෙල කිරීමේ උත්සවය වඩාත් උත්සවශ්‍රීයෙන් පසුගියදා Café Seventy Seven හීදී පැවැත්විය. මෙම සාම්ප්‍රදායික නත්තල් කේක් මිශ්‍රණය පිළියෙල කිරීමේ අවස්ථාවට නවලෝක රෝහල් සමූහයෙහි සභාපති ආචාර්ය ජයන්ත ධර්මදාස ඇතුළු රෝහල් කළමනාකාරිත්වය, කාර්ය මණ්ඩලය සහ විශේෂ ආරාධිත අමුත්තන් පිරිසක් එක් වූහ.
මෙහිදී අදහස්‌ දැක්‌වූ ආචාර්ය ධර්මදාස පසුගිය වසර කිහිපය තුළ මුහුණ දුන් අභියෝග මධ්‍යයේ වුවද නවලෝක රෝහල් සමූහය ඔරොත්තු දීමේ හැකියාව සහ විශිෂ්ටත්වය වෙනුවෙන් කැපවී සිටින බවත් ශ්‍රී ලාංකීය ප්‍රජාවට උසස් තත්ත්වයේ සෞඛ්‍ය සේවා සැපයීම සඳහා රෝගී සත්කාර සහ වෛද්‍ය නවෝත්පාදන වැඩිදියුණු කිරීමට කටයුතු කරන බවත් අවධාරණය කළේය.
