764
ශ්‍රී ලංකාවේ ප්‍රමුඛතම කජු නිෂ්පාදන සහ අලෙවි සමාගම වන රෝයල් කැෂූ සමාගම කර්මාන්ත සංවර්ධන මණ්ඩලය (IDB) සංවිධාන කළ ජාතික කර්මාන්ත විශිෂ්ටතා 2023 සම්මාන උලෙළේදී කෙටි ආහාර සහ රසකැවිලි නිෂ්පාදන අංශයේ රන් සම්මානයෙන් පිදුම් ලැබීය.
ජනාධිපති රනිල් වික්‍රමසිංහ, කර්මාන්ත ඇමැති රමේෂ් පතිරණ, ප්‍රාථමික කර්මාන්ත රාජ්‍ය ඇමැති චාමර සම්පත් දසනායක, සුළු හා මධ්‍ය පරිමාණ කර්මාන්ත සංවර්ධන රාජ්‍ය ඇමැති ප්‍රසන්න රණවීර සහ කාර්මික සංවර්ධන මණ්ඩලයේ සභාපති වෛද්‍ය සාරංග අලහප්පෙරුම යන ආරාධිතයන්ගේ ප්‍රධානත්වයෙන් කොළඹ නෙළුම් පොකුණේදී උත්කර්ෂවත් ලෙස පැවැති සම්මාන උලෙළේදී රෝයල් කැෂූ සභාපති වෛද්‍ය රුවන් වතුගල වෙත රන් සම්මානය පිරිනමන ලදි.
