එක්සෙල් වර්ල්ඩ් හි ස්නෝ වර්ල්ඩ් විවෘතයි

හිමෙන් වැසී ශීත ඍතුවේ අත්දැකීමක් ලබා දෙන ලංකාවේ එකම ස්ථානය ලෙස එක්සෙල් වර්ල්ඩ් හි ස්නෝ වර්ල්ඩ් මේ වනවිට මහජනයා වෙත විවෘතව තිබේ.

ඒ වෙනුවෙන් ඉකුත් 7 වැනිදා ප්‍රධාන අනුග්‍රාහක පෙප්සි සමාගම සහ ප්‍රධාන මාධ්‍ය අනුග්‍රාහක ‘වොයිස් ඔෆ් ඒෂියා නෙට්වර්ක්’ එක්ව එක්සෙල් රෙස්ටූරන්ට්ස් සහ බ්‍රවුන්ස් සමූහයේ නිලධාරීන් සමඟ උත්සවශ්‍රීයෙන් පිරුණු විනෝදාත්මක සන්ධ්‍යාවක් ලෙස පැවැත්විණ.

මේ වසරේදී, ස්නෝ වර්ල්ඩ් හිමෙන් වැසුණු උත්තර ධ්‍රැවයේ මනමෝහනීය නවතම අත්දැකීමක් හඳුන්වා දෙමින් දෙසැම්බර් 8 වැනිදා සිට 31 වැනිදා දක්වා පස්වරු 5 සිට රාත්‍රී 10 දක්වා විවෘතව පවතී. එක්සෙල් වර්ල්ඩ් දෙසැම්බර් 15 වැනිදා සිට උත්සව සැණකෙළියක් ද සංවිධාන කර තිබේ.