938
බේකරි ක්ෂේත්‍රය සඳහා අවශ්‍ය යිස්ට් සහ අමුද්‍රව්‍ය සපයන ලොව ප්‍රමුඛතම සමාගමක් වන එබී මයුරි ලංකා පුද්ගලික සමාගම සිය සේවකයින්ගේ හැකියා උසස් තලයකට ගෙන ඒම සඳහා NVQ (ජාතික වෘත්තීය සුදුසුකම්) පුහුණුව ලබා දීමට කටයුතු කර තිබේ.
සේවකයින් 25කට අධික පිරිසක් NVQ පුහුණුව සාර්ථක ලෙස නිම කළ අතර එය පුද්ගල හැකියා, නිපුණතා සහ කුසලතා වර්ධනය කරමින් අදාළ රැකියාව තුළ ඔවුන්ගේ වගකීම් දැරීමට උපකාරී වෙයි. ජාතික වශයෙන් පිළිගත් NVQ පුහුණුව, බේකරි ක්ෂේත්‍රයේ අදාළ ප්‍රායෝගික කුසලතා විධිමත් කරමින් ලෝකයේ අධ්‍යයන සහ යෙදුම් අතර පරතරය පියවාලීමේ ප්‍රධාන කාර්යභාරයක් ඉටු කරන බව පෙන්වා දෙන එබී මයුරි ලංකා පුද්ගලික සමාගමේ අධ්‍යක්ෂ සුරාජ්ඩීන් සෙයියඩ් පවසන්නේ මෙම පුහුණුව තම සේවකයින්ට මෙන්ම ගනුදෙනුකරුවන්ගේ ව්‍යාපාරවලද විශිෂ්ටත්වය නියෝජනය කරන බවයි.
