ශ්‍රී ලංකාවේ විශාලතම රෙදි ගෙතුම් නිෂ්පාදකයා වන Ocean Lanka පෞද්ගලික සමාගම, ශ්‍රී ලංකා අපනයනකරුවන්ගේ ජාතික මණ්ඩලය (NCE) විසින් සංවිධානය කරන ලද 31 වන NCE වාර්ෂික අපනයන සම්මාන 2023 හිදී ‘Suppliers to Exporters’ අංශයේ ‘Extra Large’ කාණ්ඩයේ රන් සම්මානයෙන් පිදුම් ලැබීය.
මෙම ජයග්‍රහණ පිළිබඳ Ocean Lanka පෞද්ගලික සමාගමෙහි කළමනාකාර අධ්‍යක්ෂ ආචාර්ය ඔස්ටින් අවු සිය අදහස් දක්වමින් පැවසුවේ ”NCE අපනයන සම්මාන 2023 හිදී රන් සම්මානයෙන් පිදුම් ලැබීම ඉතා සතුටක් සහ ගෞරවයක් බවය. මෙම පිළිගැනීම සමස්ත Ocean Lanka කණ්ඩායමේ කැපවීම සහ වෙහෙස මහන්සිය පිළිබඳව කදිම සාක්ෂියක් බවත් එමඟින් විශිෂ්ටත්වය සහ තිරසරභාවය සඳහා සමාගමේ කැපවීම පවත්වා ගනිමින්, රෙදි ගෙතුම් නිෂ්පාදනයේ සීමා බිඳ දමමින් ඉදිරියට යාමට අවශ්‍ය පන්නරය ලබා දෙන වත් කීවේය
NCE අපනයන සම්මාන මඟින් Ocean Lanka හි විශිෂ්ටත්වය සඳහා වූ කැපවීම සංකේතවත් කරනවා පමණක් නොව, සමාගමට වාසි රැසක්ද ගෙන එන බව ඔහු කීවේය.
