1.8K
උසස් අධ්‍යාපන ආයතනවලින් පිළිගත් උපාධියක් ලබාදීමට කටයුතු කරන බව උසස් අධ්‍යාපන රාජ්‍ය අමාත්‍ය සුරේන් රාඝවන් ප්‍රකාශ කරයි.
ඒ සඳහා අධ්‍යාපන ප්‍රතිසංස්කරණයක් අවශ්‍ය බවත් එම ප්‍රතිසංස්කරණ අනුව අධ්‍යයන පොදු සහතික පත්‍ර සාමාන්‍ය පෙළ විභාගය 10 වසරේදී සහ අධ්‍යයන පොදු සහතික පත්‍ර උසස් පෙළ විභාගය 12 වසරේදී පැවැත්වීමට කටයුතු කරන බව අමාත්‍යවරයා පවසයි.
ඇමැතිවරයා මේ බව කියා සිටියේ රාජ්‍ය නොවන උසස් අධ්‍යාපන ආයතනවල ප්‍රමිතිය සහ තිරසාරීත්වය වර්ධනය කිරීමේ අරමුණෙන් ඉකුත් 29 වැනිදා කොළඹ ගලධාරි හෝටලයේදී සංවිධාන කළ වැඩමුළුවක් අමතමිනි. එසේම මෙම ප්‍රතිසංස්කරණ යටතේ පුර්ව ළමාවිය සංවර්ධන වැඩසටහන් සඳහා වැඩි අවධානයක් ලැබෙන ව්‍යාපෘති සකස් කළ යුතු බවත් දියුණු රටවල මේ සඳහා වැඩි අවධානයක් යොමු කර ඇති බවත් හෙතෙම වැඩිදුරටත් පැවසීය.
රසික කොටුදුරගේ