මේෂ – පුණ්‍ය සිතුවිලි උපදවයි
සඳු ගමන් කරන්නේ 8,9,10,11 යන භාවයන් හරහාය. පුණ්‍ය සිතුවිලි සහිතව ආරම්භ වන සතිය තුළ ඔබගේ දෙලොව යහපතට අවශ්‍ය කරන ගුණ වගාවන් වර්ධනය වෙයි. රැකියා සඳහා ඇවිදිලි වැඩි එහෙත් ලාභ ප්‍රයෝජන ලැබෙන සතියක් වනු ඇත. දරුවන්ගේ අධ්‍යාපනික ප්‍රගතිය සැලසේ. කායික මානසික සෞඛ්‍ය පිළිබඳව සැලකිලිමත් වන්න. පුණ්‍ය සිතුවිලි සහිත වුවද ආවේගශීලි අවස්ථා සහ කලකිරීම් ඇති කරයි. කනගාටුදායක පුවත් සැලවේ. අපල අවම වීමට කිරි ආහාර පූජාවක් තබන්න.
සුබ අංක – 1,2 සුබ වර්ණ – රතු, නිල් සුබදවස් – අඟහරුවාදා, ඉරිදා
වෘෂභ – රැකියා ව්‍යාපාරවලට යහපත්
සඳු ගමන් කරන්නේ 7,8,9,10 යන භාවයන් මතිනි. රැකියා ව්‍යාපාරවලට යහපත්ය. සාමාජයීය ඇසුර ප්‍රසාදජනක වන අතර පුණ්‍ය කටයුතුවලට දායකත්වය ඇති කරයි. රැකියා සහ වෙනත් කටයුතු සඳහා වැඩිපුර ඇවිදින්නට සිදු වෙයි. ලැබීම් සහිත සතියකි. දරුවන්ගේ අධ්‍යාපනික දියුණුව ගෙන දෙයි. අපල අවම වීමට භාවනාවක යෙදෙන්න.
සුබ අංක – 3,6 සුබ වර්ණ – සුදු, ක්‍රීම් සුබ දවස් – බදාදා, සිකුරාදා
මිථුන – දරුවන්ගේ අධ්‍යාපන දියුණුව
සඳු ගමන් කරන්නේ 6,7,8,9 යන භාවයන් මතිනි. ඔබ තුළ ආවේගශීලී අවස්ථා මතුවිය හැකි බැවින් මෛත්‍රිය කරුණාව පෙරදැරිව සතියේ කටයුතු ආරම්භ කරන්න. ව්‍යාපාරවලින් ලාභ ලැබේ. රැකියා සඳහා ඇවිදින්නට සිදුවේ. ජලයෙන් අපලසහගත බැවින් ජලාශවල නෑමට නොයන්න. දරුවන්ගේ අධ්‍යාපන කටයුතුවල ප්‍රගතිය ගෙන දෙන අතර ආර්ථිකය ශක්තිමත්ව පවත්වාගත හැක. රැකියා දෙක තුනක් එකවර කිරීමට පෙලඹේ. සුබපල උදාකරයි. අපල අවම වීමට දවස ආරම්භයේ බුදුන් වහන්සේට පැන් බඳුනක් තබන්න. දෙවියන්ට පින් දෙන්න.
සුබ අංක – 3, 5 සුබ වර්ණය – කොළ සුබ දවස් – සිකුරාදා, සෙනසුරාදා
කටක – රැකියා ව්‍යාපාර දියුණුව
සඳු ගමන් කරන්නේ 5,6,7,8 යන භාවයන් මතිනි. පෙර පින මතු කරන දින කීපයක් බැවින් ඔබගේ කටයුතු සපල වේ. දරුවන්ගේ යහපත් බලාපොරොත්තු ඉටුවන රැකියා ව්‍යාපාර දියුණු සමාජයීය ප්‍රසිද්ධිය ඇති කරයි. සතුරු කරදර අවම වේ. විවාහ කටයුතු දරුපල ආදිය පිළිබඳ සුබ පණිවුඩ ලැබේ. ඒ අතර කනගාටුදායක පුවත්ද සැලවිය හැකිය. අපල අවම වීමට බලු කපුටු දානයක් දෙන්න.
සුබ අංක 2,7 සුබ වර්ණ – සුදු, කහ සුබ දවස් – සඳුදා, අඟහරුවාදා
සිංහ – සමාජයීය ප්‍රශංසා
සඳු ගමන් කරන්නේ 4,5,6,7 යන භාවයන් මතිනි. ගෙදර දොර කටයුතු අනලස්ව උනන්දුවෙන් සහ උද්‍යෝගීමත්ව කටයුතු කරයි. රැකියා ව්‍යාපාර ලාභදායිවේ. තැපැල් මාර්ගයෙන් ඔබගේ භාණ්ඩ හා සේවා සැපයීම වැඩි වෙයි. සාමාජයීය ඇසුර තුළ කීර්තිය ගෞරවය හිමි කර දෙයි. දරුඵල ප්‍රමාදව තිබු අයට සුබ ආරංචි සහ ප්‍රේමණීය බැඳීම් ඇතිවේ. අපල අවම කරගැනීමට සූර්ය පිරිත කියා වැඩ ආරම්භ කරන්න.
සුබ අංක – 1, 4 සුබ වර්ණ – රතු සුබ දවස් – ඉරිදා, අඟහරුවාදා
කන්‍යා – සහජ දක්ෂතාවලින් පල ප්‍රයෝජන
සඳු ගමන් කරන්නේ 3,4,5,6 යන භාවයන් මතිනි. සහෝදර උපකාර හිමි වන සහ තම සහජ දක්ෂතාවන් ඔප්නැංවෙන ස්වයං රැකියා ආදියෙන් ලාභ ප්‍රයෝජන ඉපයිය හැකි සතියකි. ගෙදරදොර කටයුතු නොපිරිහෙළා ඉටු කරන දරුවන්ගේ යහපත් ප්‍රාර්ථනා ඉටු වන බවක් පෙන්වයි. පවුලේ බැඳීම් වර්ධනය කරයි. සුළු අසනීප ගති ඇති වුවත් ක්‍රියාශීලිව වැඩ කටයුතු කරගනියි. අපල අවම වීමට කුඩා දරුවනට සෙනෙහස ආදරය දක්වන්න. රැකවරණය ලබා දෙන්න.
සුබ අංක – 2, 3 සුබ වර්ණ – කොළ, සුබ දවස් – සිකුරාදා, බදාදා
තුලා – ආර්ථිකය ශක්තිමත් වේ.
සඳු ගමන් කරන්නේ 2,3,4,5 යන භාවයන් හරහාය. ඔබගේ වචනයට අන්‍යයන් ප්‍රිය කරයි. සේවක ආදීන්ගෙන් කාර්යයන් ඉටුකර ගැනීමේ ශක්තිය බලය ඔබට හිමි වේ. සොහොයුරු මාපිය දූදරු බැඳීම් ඔවුන් සමග පුණ්‍ය කටයුතුවලට සහභාගී වීම් පෙන්නුම් කරයි. ආර්ථිකමය වටිනාකම් සහ පදිංචි ස්ථානවල දියුණුවට වැඩ කෙරෙන සතියකි. අපල අවම වීමට වකුගඩු, පිළිකා රෝගීන්ට උපකාර කරන්න.
සුබ අංක – 6 සුබ වර්ණ – රෝස, ක්‍රීම්, සුබ දවස් – සිකුරාදා, සෙනසුරාදා
වෘශ්චික – අතමිට මුදල් ගැවසේ
සඳු ගමන් කරන්නේ 2, 3, 4 යන භාවයන් හරහාය. ඔබගේ සතුට සැනසීම වර්ධනය කෙරෙන යහපත් මිතුරු මිතුරියන් හමුවන සතියකි. සමහර විට සිත් රිදීම් කලකිරීම්වලට මුහුණ දීමේ අවස්ථා මතු කෙරේ. එහෙත් බාධක හමුවේ නොසැලී සිටීමේ ආත්ම ශක්තිය ඔබ සතුය. පදිංචි ස්ථානයේ වැඩ කටයුතු අනාගත ආයෝජන සිදු කරයි. සහජ හැකියාවන් තුළින් වැඩ ගැනීමට පුළුවන් වේ. අපල අවම වීමට ශල්‍යකර්මවලට බඳුන් වූ අයට උපකාර කරන්න.
සුබ අංක – 2, 4 සුබ වර්ණය – රතු, සුබ දවස් – අඟහරුවාදා, බ්‍රහස්පතින්දා
ධනු – ප්‍රාර්ථනා ඉටු වෙයි
සඳු ගමන් කරන්නේ 12,1,2,3 යන භාවයන් හරහාය. ආරම්භයේ පාඩුවක් හෝ සිත් රිදීමක් නිශ්ඵල වීමට ඉඩ ඇත. රැකියා ව්‍යාපාරවලින් ලාභ ප්‍රයෝජන ලබන්නට හැකි අතමිට මුදලක් ගැවසෙන සහෝදර උපකාර ඇති දින කිහිපයකි. ඇවිදිලි වැඩි වේ. පින් දහම් කටයුතුවල යෙදෙයි. වචනය නිසා අන්‍යයන්ට ප්‍රියතාවක් දනවයි. බොහොමයක් ප්‍රාර්ථනා ඉටුවිය හැකි වාතාවරණයක් ඇත. අපල අවම වීමට පුණ්‍ය කටයුතුවල නියැළෙන්න.
සුබ අංක – 3, 5, සුබ වර්ණ – කහ, සුබ දවස් – ඉරිදා, බදාදා
මකර – හිතමිතුරු උපකාර
සඳු ගමන් කරන්නේ 11,12, 1, 2 යන භාවයන් හරහාය. ආරම්භය සතුටුදායකය. ලැබීම් සහිතය. යහළු හිතමිතුරු උපකාර හිමි වෙයි. සැහැල්ලුවෙන් සතුටින් විනෝදයෙන් කල් යවයි. දරුවන්ගේ යහපත් බලාපොරොත්තු සපල වේ. පුණ්‍ය කටයුතුවලට දායකත්වය සපයයි. ව්‍යාපාර රැකියා සම්බන්ධයෙන් සුබපල හිමි වේ. කනගාටු දායක අවස්ථා, කනගාටු දායක පුවත් කන වැකෙන්නට ඉඩ ඇත. අපල අවම වීමට භාවනාවක යෙදෙන්න.
සුබ අංක – 6, 8 සුබ වර්ණ – නිල් සුබ දවස් – සෙනසුරාදා, සිකුරාදා
කුම්භ – රැකියා ව්‍යාපාර ලාභ
සඳු ගමන් කරන්නේ 10,11,12,01 යන භාවයන් හරහාය. රැකියා ව්‍යාපාර දියුණු වේ. ඒවායින් ලාභ ප්‍රයෝජන හිමිවන සතියක් වන අතර ගෙදර දොර කටයුතුද නිසි ලෙස සිදු කරයි. හිතවත් සහ ප්‍රධානීන්ගෙන් උපකාර ලැබෙන බවක් පෙනෙන්නට ඇත. සමාජයට වැඩදායක කටයුතුවල නිරත වේ. අවිවේකය බලපවත්වයි. පාඩු සහ නිෂ්ඵල ගමන් යෙදෙන්නට පුළුවන. ප්‍රසාදය හිමි වේ. අපල අවම වීමට තිරිසන් සතුනට ආහාර ජලය දෙන්න.
සුබ අංක 8, 9, සුබ වර්ණ – නිල්, සුබ දවස් – සිකුරාදා, සෙනසුරාදා
මීන – යහපත් සතියක ආරම්භයක්
සඳු ගමන් කරන්නේ 9, 10, 11, 12 යන භාවයන් හරහාය. පුණ්‍ය සිතුවිලි තුළින් යහපත් දිවියකට අවතීර්ණ වන සතියේ රැකියා ව්‍යාපාර දියුණුව සලසයි. දුවා දරුවන්ගේ අධ්‍යාපනික කටයුතුවල ප්‍රගතියක් ඇති කරයි. ආර්ථිකය ශක්තිමත් වේ. සතිය අවසානයේ ගැටලු මතු විය හැකි බැවින් කරන කියන කටයුතු යන-එන ගමන්බිමන් ගැන කල්පනාකාරී වන්න.
සුබ අංක – 3, 9, සුබ වර්ණ – කහ, සුබ දවස් – බ්‍රහස්පතින්දා, අඟහරුවාදා
