HNB ඇෂුවරන්ස් ඉන්දියානු වාණිජ මණ්ඩලයේ ඇගයුම් ලබයි

2023 වසර වෙනුවෙන් ඉන්දියානු වාණිජ මණ්ඩලය විසින් සංවිධානය කරන ලද 04 වැනි ආසියානු රක්ෂණ සම්මාන උලෙළේ දී ශ්‍රී ලංකාවේ හොඳම ජීවිත රක්ෂණ සමාගමට හිමි සම්මානය අඛණ්ඩව දෙවැනි වරටත් දිනා ගැනීමට HNB ඇෂුවරන්ස් PLC සමාගම සමත් වූයේය.

HNB ඇෂුවරන්ස් PLC සමාගමේ සභාපතිනිය රෝස් කුරේ මෙම ජයග්‍රහණය පිළිබඳ අදහස් දක්වමින් ප්‍රකාශ කළේ මෙම සම්මානය පසුගිය වසර පුරා HNB ‘A‘ කණ්ඩායමේ අද්විතීය කාර්යභාර්ය හා අසමසම ජීවිත රක්ෂණ සේවාවක් සැපයීම වෙනුවෙන් සමාගමේ අඛණ්ඩ කැපවීම පිළිබඳ හොඳම උදාහරණයක් බවය. 2024 වසරේ මෙරට රක්ෂණ ක්ෂේත්‍රය වෙත නව ප්‍රමීතීන් හඳුන්වා දීමට තම කණ්ඩායමට හැකි බවත් ඇය ප්‍රකාශ කළාය.

HNB ඇෂුවරන්ස් PLC සමාගම ශාඛා 64ක ජාලයකින් සමන්විත ලංකාවේ වේගයෙන්ම වර්ධනය වන රක්ෂණ සමාගමකි.