මහමෙරුව රැලික්‍රොස් ජපන් ශූර‍යා විවෘත කරයි

ලංකාවේ පෞද්ගලික අංශය විසින් සෑදූ විශාලතම ධාවන පථයක් වන මහමෙරුව ධාවන පථය විවෘත කිරීමට ජනවාරි 14 වැනිදා ඉරිදා පියවර ගෙන ඇති බව ස්ලාඩා (SLARDAR) සභාපති ප්‍රශාන් විජේනායක සිළුමිණට පැවසීය. මෙම ධාවන පථය ගොඩනැඟීම සඳහා වැය කර ඇති මුදල රුපියල් කෝටි තුනකට ආසන්නය. උත්සවයේ ප්‍රධාන ආරාධිතයා වන්නේ ජපන් ධාවන ශූර ෆුමියෝ නුටහාරාය.

ජනවාරි 14 වැනි ඉරිදා ආරම්භ වන මහමෙරුව රැලික්‍රොස් ධාවන තරගයට මොටර් රථ ධාවන ශූරයන් 80ක් හා මෝටර් සයිකල් ධාවන ශූරයන් 110ක් පමණ දැනටමත් ලියාපදිංචි වී ඇත. මහමෙරුව ධාවන පථයේ ඇති විශේෂත්වය වන්නේ ඒ ආශ්‍රිතව අවන්හලක්, නැවතීමේ පහසුකම්, පිහිණුම් තටාකයක්, කාය වර්ධන මධ්‍යස්ථානයකින් ද සමන්විත වී තිබීමය.