ඔන්ලයින් ණය ජාවාරම් මර්දනය කිරීම සඳහා බලතල සහිත නව නීති ගෙන ඒමට රජය කටයුතු කරගෙන යයි.
ශ්‍රී ලංකා ක්ෂුද්‍ර මූල්‍ය සහ ණය නියාමන පනත් කෙටුම් පත ඉදිරියේදී පාර්ලිමේන්තුවට ඉදිරිපත් කරන බවත් එහෙත් ඔන්ලයින් ණය ජාවාරම් වැනි ප්‍රශ්නවලට එම කෙටුම්පතෙන් පූර්ණ ආවරණයක් ලබා ගැනීමට නොහැකි බව මුදල් රාජ්‍ය ඇමැති ශෙහාන් සේමසිංහ පාර්ලිමේන්තුවේදී ඉකුත් 12වැනිදා ප්‍රකාශ කළේය. ඇමැතිවරයා මෙම අදහස් පළ කළේ ඔන්ලයින් ණය ජාවාරම පිළිබඳව විපක්ෂ නායක සජිත් ප්‍රේමදාස පාර්ලිමේන්තුවේදී මතු කළ ප්‍රශ්නයකට පිළිතුරු දෙමිනි.
මෙය බරපතළ අවදානම් සහගත තත්ත්වයක් බව රජය හඳුනා ගෙන ඇති බව ද වැඩි වශයෙන් මෙම තත්ත්වයට කාන්තාවන් ගොදුරු වී ඇති බව ද වැඩිදුරටත් පෙන්වා දුන් මුදල් රාජ්‍ය ඇමැතිවරයා ක්ෂුද්‍ර ණය ක්‍රියාකාරකම්වලට සම්බන්ධ විදේශිකයන් සම්බන්ධයෙන් නව නීති ගෙනවිත් නිසි ක්‍රයාමාර්ග ගැනීමට රජය කටයුතු කරන බව ද අවධාරණය කළේය.
ස්වර්ණා විජේකෝන් සහ සන්ධ්‍යා කරුණාරත්න