පළාත් 6කට අයත් දිස්ත්‍රික්ක 9ක පවතින අයහපත් කාලගුණ තත්ත්වය හේතුවෙන් පවුල් 53,641කට අයත් පුද්ගලයන් 1,78,312ක් පීඩාවට පත්ව ඇති අතර, එයින් පවුල් 2,659කට අයත් පුද්ගලයන් 8,351ක් ආරක්ෂිත ස්ථාන 48ක රඳවා ඇති බව ආපදා කළමනාකරණ මධ්‍යස්ථානය පවසයි.
ඒ අතරින් වැඩි පීඩාවට පත් පළාත නැඟෙනහිර වන අතර ත්‍රිකුණාමලය, මඩකලපුව සහ අම්පාර දිස්ත්‍රික්කවලට අයත් පවුල් 52,652කට අයත් පුද්ගලයන් 174,866ක් පීඩාවට පත්ව සිටී.
ඌව පළාතේ බදුල්ල සහ මොනරාගල දිස්ත්‍රික්කවල පවුල් 698කට අයත් පුද්ගලයන් 2,415ක්, හම්බන්තොට දිස්ත්‍රික්කයේ පුද්ගලයන් 682ක්, අනුරාධපුර දිස්ත්‍රික්කයේ පුද්ගලයන් 309ක්, මුලතිව් දිස්ත්‍රික්කයේ පුද්ගලයන් 17ක් සහ රත්නපුර දිස්ත්‍රික්කයේ පුද්ගලයන් 23ක් ද අයහපත් කාලගුණ තත්ත්වයෙන් පීඩාවට පත්ව ඇත.
අධික වර්ෂාව සහ ගංවතුර තත්ත්වය හේතුවෙන් නිවාස 12කට පූර්ණ හානි සහ නිවාස 288කට අර්ධ හානි සිදුවී ඇති බව ද ආපදා කළමනාකරණ මධ්‍යස්ථානයේ වාර්තාවලින් වැඩිදුරටත් අනාවරණය වේ.
සුරේකා නිල්මිණි ඉලංකෝන්