1.3K
සෙලින්කෝ ලයිෆ් සමාගමේ දිගු කාලීන ප්‍රජා ව්‍යාපෘතියෙන් 2023 වසරේදී ශ්‍රී ලාංකිකයින් 2300 කට ආසන්න පිරිසකට නොමිලේ වෛද්‍ය සේවා, සෞඛ්‍ය පරීක්ෂණ සේවා සහ වෛද්‍ය ප්‍රතිකාර ලබා දි ඇති බව එම සමාගම පවසයි.
ශ්‍රී ලංකාවේ ජීවිත රක්ෂණ වෙළඳ පොළ ප්‍රමුඛයා වන සෙලින්කෝ ලයිෆ් ගෙවී ගිය වසර තුළදී ‘වෛද්‍ය හමුව’ වෛද්‍ය කඳවුරු 10ක් පැවැත් වූ අතර වෛද්‍යවරු, වෛද්‍ය තාක්ෂණික ශිල්පීන් සමඟ සෞඛ්‍ය පරීක්ෂණ උපකරණ ආදිය දුෂ්කර ප්‍රදේශවලට සහ ගම්වලට රැගෙන යමින් ජනතාවට ඔවුනගේ සෞඛ්‍ය ගැටලු වෛද්‍ය වෘත්තිකයින් සමඟ සාකච්ඡා කිරීමට හා පරීක්ෂා කරවා ගැනීමට අවස්ථාව ලබා දෙන ලදී. මෙමඟින් ප්‍රතිලාභ ලැබූ බොහෝ පිරිස් ප්‍රදේශයේ ගොවීන්, තේ වතුවල කම්කරුවන් හා ඔවුන්ගේ පවුල්වල අයයි. එම බොහෝ පිරිස් හට සෞඛ්‍ය පරීක්ෂණ හා වෛද්‍ය සේවා සඳහා තිබූයේ සීමිත ඉඩ පහසුකම්ය.
