HNB FINANCE PLC හි නව සභාපති රජීව් දිසානායක

HNB FINANCE PLC හි නව සභාපතිවරයා ලෙස 2024 ජනවාරි 8 වන දින සිට රජීව් දිසානායක පත්කර ඇත. නව සභාපතිවරයා ලෙස පත්වුණු රජිව් දිසානායක 2017 වසරේ සිට, HNB FINANCE හි අධ්‍යක්ෂ මණ්ඩල සාමාජිකයෙකු ලෙස කටයුතු කර ඇති අතර, මින් ඉහතදී විගණන සහ අවදානම් කළමනාකරණ අධ්‍යක්ෂ කමිටුව ද මෙහෙයවීය.
මේ වන විට උපායමාර්ගික සහ ආයෝජන සමාලෝචන කමිටුවේ සභාපති, HNB හි කුඩා, මධ්‍ය සහ ක්ෂුද්‍ර මූල්‍ය අංශයේ නියෝජ්‍ය සාමාන්‍යාධිකාරී, Acuity Partners (Pvt.) Ltd, Lanka Venture PLC සහ Lanka Energy Fund PLC යන ආයතනයන්හි අධ්‍යක්ෂවරයෙකු වශයෙන් ද හෙතෙම සිය සේවාව පිරිනමයි.
මෙම භූමිකාව දැරීමට මත්තෙන් ඔහු වසර අටකට වැඩි කාලයක් HNB හි ප්‍රධාන මූල්‍ය නිලධාරි සහ ප්‍රධාන උපාය මාර්ග නිලධාරී ලෙස සේවය කර ඇත. සභාපතිවරයා වශයෙන් රජිව් දිසානායක HNB FINANCE හි මෙහෙයුම් කාර්යයක්ෂම කරමින් සහ වෙළඳ පොළ වෙනස්වීම්වලට අනුගත වෙමින් ව්‍යාපාර වර්ධනය සහතික කිරීම සඳහා මඟ පෙන්වනු ඇත.