ශ්‍රී ලංකා ඉන්ෂුවරන්ස් හි මානව සම්පත් අංශය පසුගියදා පැවති Great HR Quiz‘ 2023 තරඟයෙන් රක්ෂණ, මූල්‍ය සහ ආයෝජන කාණ්ඩයේ ජයග්‍රාහකයින් බවට පත් විය. මෙම තරගාවලිය සඳහා සමාගම් 65 ක් සහභාගී වූ අතර, එයින් 4 වැනි ස්ථානය ලබා ගැනීමට ශ්‍රී ලංකා ඉන්ෂුවරන්ස් මානව සම්පත් අංශය සමත් විය.
මෙම Great HR Quiz‘‘ 2023 තරගාවලිය චාර්ටඩ් ඉන්ස්ටියුට් ඔෆ් පර්සනල් මැනේජ්මන්ට් (CIPM) විසින් සංවිධානය කරන ලදී. එය ශ්‍රී ලංකාවේ මානව සම්පත් වෘත්තිකයන්ගේ දැනුම සහ කුසලතා ඉහළ නැංවීම සඳහා මානව සම්පත් කළමනාකරණ ක්ෂේත්‍රය වෙනුවෙන් කැප වූ එකම තරගාවලිය වන අතර, මෙහිදී තරඟකරුවන්ගේ මානව සම්පත් හා සාමාන්‍ය දැනුම පිළිබඳ සියලු අංශ ආවරණය කරනු ලැබීය.
1962 වසරේදී ආරම්භ කරන ලද ශ්‍රී ලංකා ඉන්ෂුවරන්ස් මේ වන විට දේශයේ රක්ෂකයා ලෙසින් රු. බි. 274 ක වත්කම් සම්භාරයක් සහ රු. බි. 156.7 ක ජීවිත රක්ෂණ අරමුදලක් සමගින් ශ්‍රී ලංකාවේ විශාලතම සහ ශක්තිමත්ම රක්ෂණ ආයතනය ලෙසින් දශක 6කට අධික විශිෂ්ටත්වයක් සමරයි.
