839
ජනතා විමුක්ති පෙරමුණ සියලු කම්කරුවන්ගේ ඉල්ලීම් සාධාරණ බව පිළිගන්නා අතර වැඩ වර්ජන කළ යුත්තේ ජනතාවගේ පැත්තේ හිඳීමෙන් ජනතාවගේද එකඟතාවයෙන් යුතුව බව ජනතා විමුක්ති පෙරමුණේ දේශපාලන මණ්ඩල සභික කේ.ඩි. ලාල්කාන්ත සඳහන් කරයි. දැඩි පීඩාවකට පත්ව සිටින ජනතාව තවත් පීඩාවට පත් කිරීමේ වැඩ වර්ජන මේ මොහොතේ සුදුසු නැති බවත් ඊට ජවිපෙ කිසිසේත් එකඟ නොවන බවද ලාල්කාන්ත මහතා අවධාරණය කරයි. වැඩ වර්ජන සිදු කළ යුත්තේ පාලකයන්ට එරෙහිව මිස අහිංසක ජනතාව පීඩාවට පත් කිරීමට නොවන බවත් වෛද්‍යවරුන්ට වැටුප් වැඩිකිරීම සම්බන්ධයෙන් කිසිදු ගැටලුවක් නොමැති බවත් එහෙත් සෞඛ්‍ය පද්ධතියේම අනෙක් සේවකයන්ට ද වැටුප් වැඩිවිය යුතු බවද ඔහු පවසයි.
