වසර 2011 දී ඉන්දියාව ලෝක කුසලානය ජයගන්නේ නම් ක්‍රීඩාංගණයේදීම ප්‍රසිද්ධියේ නිරුවත් වන බවට ඔට්ටු අල්ලා ලොව පුරා අතිශය ජනප්‍රියත්වයට පත් වූ සුරූපි බොලිවුඩ් නිළිය සහ මොස්තර නිරූපණ ශිල්පිනිය පූනම් පාණ්ඩේ මෙලොවින් සමුගත්තාය.
අඩනිරුවත් වීඩියෝ පට සහ නිරුවත් ඡායාරූප ප්‍රසිද්ධියට පත් කිරීමෙන් ලොව පුරා තරුණයන්ගේ සහ වැඩිහිටි පිරිමින්ගේ ආකර්ෂණයට ලක් වී සිටි ඇය මියගියේ ගැබ්ගෙළ පිළිකාවකින් පීඩා විඳිමින් සිටියදීය.
32 හැවිරිදි පූනම් පාණ්ඩේ ජීවිතක්ෂයට පත් වූ බව ඇගේ ඉන්ස්ටර්ග්‍රෑම් පිටුවෙහි සටහනක් තබමින් කළමනාකාරවරයා විසින් තහවුරු කරනු ලැබූ බව ඉන්දීය මාධ්‍ය වාර්තා කළේය.
වසර 2011 දී වන්කඩේ ක්‍රීඩාංගණයේ පැවැති ලෝක කුසලාන අවසන් මහා තරගයේදී සැබැවින්ම ශ්‍රී ලංකා පිල පරාජය කරමින් ඉන්දීය පිල ලෝක කුසලානය ජයග්‍රහණය කළ ද, එල්ල වූ මහජන විරෝධතා හේතුවෙන් ඇය සිය නිරුවත් වීමේ ඔට්ටුව ඉල්ලා අස්කර ගත් බව සඳහන් වූවද, පසුව ඇය කියා සිටියේ එදින රාත්‍රියේ ක්‍රීඩාංගණයේදී එසේ නිරුවත්වීමට ඉන්දීය ක්‍රිකට් පාලක මණ්ඩලය අවසර නොදුන් බවය.
කෙසේ වුවද ඇය පසුව සිය ජංගම දුරකතනයෙන් නිරුවත් වීඩියෝවක් මුදා හැර තිබු බව ද වාර්තා වේ. 2012 වසරේදීද ඇය මෙවැනිම ඔට්ටුවක් තැබූවාය. එම ඔට්ටුව වූයේ එවර අයිපීඑල් තරගාවලියේදී කල්කටා නයිට් රයිඩර්ස් පිල කුසලානය දිනා ගන්නේ නම් නිරුවත් ඡායාරූප පෙළක් අන්තර්ජාලයට මුදා හරින බවය.
අවසානයේදී කල්කටා නයිට් රයිඩර් පිල අයිපීඑල් කුසලානය දිනාගත් අතර ඇය සිය පොරොන්දුව එලෙසින්ම ඉටු කළාය.
ෆවුස් මොහොමඩ්