මීගොඩ, වටරැක ශ්‍රී පුණ්‍යාලෝක මහා විහාරය, එපිටගම්මැද්ද ශ්‍රී සෝමරතන බෞද්ධ මධ්‍යස්ථානය යන උභය විහාරාධිපති පාදුක්ක උඩුමුල්ල ශ්‍රී විමලජෝති පරිවේණාධිපති විනයාචාර්ය මාවල්ගම ශ්‍රී ඤාණිස්සරාභිධාන බස්නාහිර පළාතේ අධිකරණ සමථ බල සම්බන්ධ ද්විතීය සංඝ නායක මාහිමිපාණන් වහන්සේ 60 වයස් සපුරා වසර 33ක පරිවේණාධිපති ධුර සේවයෙන් විශ්‍රාම ගත්හ.
ඒ නිමිති කරගෙන පෙබරවාරි 10 සිට තෙදිනක් වටරැක ශ්‍රී පුණ්‍යාලෝක මහා විහාරස්ථානයේදී පින්කම් මාලාවක් පැවැත්වීමට විහාරස්ථ දායක සභාව හා ශ්‍රී සුජාතා කුළඟන සමිතිය හා ගම්වාසීන් විසින් සංවිධානය කර තිබේ.
පෙබරවාරි 10 දින ප.ව. 6 .00 ට මහා පහන් පින්කම හා බෝධි පූජා පින්කමක් පැවැත්වීමට නියමිත වූ අතර 11 ඉරු දින පෙ.ව. 10.00 ට නව දාන ශාලාව හා සංඝාවාසය සහිත දෙමහල් ගොඩනැඟිල්ල විවෘත කර දසසිල් මාතාවන් 100 නමකට දානය පිරිනැමේ. එදින ප.ව. 6.00 මහා බෝධි පූජාව, රාත්‍රී 9.00 ට සර්ව රාත්‍රික පිරිත් දේශනය, 12 දින අලුයම පැවිදි පින්කමක් හා හීල් දානය පිරිනැමීමක් සිදු කෙරේ.
