AIA 2024 වසර සඳහා සහයෝගිතා බෙදාහැරීම් ව්‍යාපාර දියත් කරයි

AIA ඉන්ෂුවරන්ස් 2024 වසර සඳහා සිය සහයෝගිතා බෙදාහැරීම් ව්‍යාපාර දියත්කිරීමේ උත්සවය නොබෝදා පැවැත්වීය.

AIA, දශක දෙකකට ආසන්න කාලය තුළ බැංකු රක්ෂණ ක්ෂේත්‍රය තුළ ක්‍රමයෙන් පරිණාමය වෙමින් අත්පත් කර ගත් සාර්ථකත්වය මෙම උත්සවයේ දී සමරන ලදි. AIA මෙරට ප්‍රමුඛතම බැංකු සමඟ, බැංකු රක්ෂණ කටයුතු සඳහා ඉතා සමීපව කටයුතු කර ඇති අතර, NDB සහ DFCC යන බැංකු සමඟ දීර්ඝකාලීන සහයෝගිතාවන් පවත්වාගෙන යයි.

තවද මෙරට මූල්‍ය ක්ෂේත්‍රය තුළ තව දුරටත් සිය පියසටහන් විහිදුවමින් AIA නොබෝදා කොමර්ෂල් බැංකුවේ නිත්‍ය බැංකු රක්ෂණ සහකරු ලෙසද සුවිශේෂී හවුල්කාරිත්වයකට එළැඹිණි. මෙම උත්සවයේ දී AIA – NDB සහයෝගීතාවයේ වර්ධනය වෙනුවෙන් නායකත්වය දෙමින් සිදු කළ කාර්යභාරය වෙනුවෙන් NDB බැංකුවේ ප්‍රධාන විධායක නිලධාරී ලෙස කටයුතු කළ ඩිමන්ත සෙනෙවිරත්න ඇගැයීමට ලක් කිරීම ද සිදු විය.