මෙරට දියවැඩියාව කළමනාකරණය සහ දැනුම්වත් කිරීම සම්බන්ධයෙන් පෙරමුණ ගෙන සිටින ශ්‍රී ලංකා අන්තරාසර්ගවේදී සංගමය (Sri Lanka College of Endocrinologists – SLCE), ප්‍රාථමික සෞඛ්‍ය වෘත්තිකයන් වෙනුවෙන් දියවැඩියාව කළමනාකරණය පිළිබඳ සහතිකපත් පුහුණු පාඨමාලාවක් ආරම්භ කිරීමට, මොරිසන් සමාගම සමග හවුල්කාරීත්වයකට එළැඹ තිබේ.
මෙමගින් රෝගීන්ට වඩාත් හොඳ ප්‍රතිකාර ලැබෙනු ඇති අතර, දියවැඩියා රෝගයේ ව්‍යාප්තිය මගින් සෞඛ්‍ය පද්ධතියට ඇතිවන පීඩනය ද අවම වනු ඇතැයි අපේක්ෂා කෙරේ. මාස හතරක් පුරා දිවෙන මෙම පාඨමාලාවට පළමු බඳවා ගැනීම සඳහා ලියාපදිංචිය දැන් විවෘතව පවතින අතර, වසරකට මෙවැනි වැඩසටහන් දෙකක් පැවැත්වීම සහයෝගීතාවයේ අරමුණයි. “ක්‍රමයෙන් ව්‍යාප්ත වන දියවැඩියා රෝගය සාර්ථක ලෙස පාලනය කිරීම සඳහා අවශ්‍ය විශේෂඥ දැනුම හා පුහුණුව අපගේ ප්‍රාථමික සෞඛ්‍ය සේවා වෛද්‍යවරුන් වෙත ලබා දීම සඳහා තබන ලද වැදගත් ඉදිරි පියවරක් ලෙස හැඳින්විය හැකියි.” ශ්‍රී ලංකා අන්තරාසර්ගවේදී සංගමයේ සභාපතිනි වෛද්‍ය නිරංජලා මීගොඩ විදානගේ එසේ පැවසුවා ය.
