1.5K
මහනුවරදී දින 14ක් පුරා පැවැත්වෙන මෙම ලෙජන්ඩ්ස් ක්‍රිකට් තරඟාවලියට ලෝකයේ ක්‍රිකට් විශිෂ්ටයන් 120 දෙනකු පමණ කණ්ඩායම් 7කට වෙන්දේසි කර ඇත.
ලොව රටවල් ගණනාවක විශිෂ්ට ක්‍රිකට් ක්‍රීඩකයන් ප්‍රථම වරට ශ්‍රී ලංකාවේදී එකට හමුවන ලෙජන්ඩ්ස් ක්‍රිකට් කුසලාන තරඟාවලිය 2024 මාර්තු 8 දා මහනුවර පල්ලෙකැලේ ක්‍රීඩාංගනයේදී ඇරැඹෙයි.
මෙම තරඟාවලියේදී විශ්‍රාමලත් ක්‍රිකට් ක්‍රීඩකයන්ගෙන් සමන්විත කණ්ඩායම් 7ක් මහත්සේ ඇලුම් කරන කුසලානය හිමි කර ගැනීම පිණිස සිය ක්‍රිකට් පිති හසුරුවීමට සුදානමින් සිටිති. LCT T20 League Pvt Limited සමාගම විසින් ආරම්භ කරන ලද මෙම තරගාවලියට පාකිස්තානය, ඉන්දියාව, බටහිර ඉන්දීය, ඕස්ට්‍රේලියාව, එංගලන්තය, ශ්‍රී ලංකාව, බංග්ලාදේශය සහ ඇෆ්ගනිස්තානය යන රටවල ලෙජන්ඩ් ක්‍රිකට් ක්‍රීඩකයන් කණ්ඩායම් සඳහා වෙන්දේසි කරනු ඇත.
