මේෂ
සුබපල වැඩි සතියකි
සඳු ගමන් ආරම්භ කරන්නේ 8,9,10,11 යන භාවයන් හරහාය. ආරම්භයේදී කනගාටුදායක පුවත් සැලවිය හැකි අතර ඉන්පසු දින කිහිපය අයහපත් නොවේ. රැකියා ව්‍යාපාර දියුණුව ඇති ලැබීම් සහිත, ආර්ථිකය ශක්තිමත් සතියකි. දරුවන්ගේ අධ්‍යාපනික ප්‍රගතිය ඇත. අපල අවම වීමට අඟහරුවාදා දිනය නිර්මාංශව කුසගින්නේ සිටින අයෙකුට සතෙකුට හෝ ආහාර වේලක් දෙන්න.
සුබ අංක -5,7 /සුබ වර්ණ – රතු, නිල්/ සුබ දවස් – අඟහරුවාදා, ඉරිදා
වෘෂභ
රැකියාවෙන් ලාභ ප්‍රයෝජන
සඳු ගමන් කරන්නේ 7,8,9,10 යන භාවයන් හරහාය. ව්‍යාපාරවලින් ලාභ ප්‍රයෝජන ලද හැකි පුණ්‍ය කටයුතුවලට දායකත්වයක් සපයන සමාජීය පොදු වැඩවලදී ගෞරව ප්‍රශංසා ලබන දින කිහිපයකි. රැකියා සඳහා ඇවිදීම් වැඩි වේ. විදෙස් ගමන් බලාපොරොත්තුව සිටි අයට රැකියා සඳහා අවස්ථා යෙදේ.
අපල අවම වීමට දවස ආරම්භයේ බුදුන් වහන්සේ වෙනුවෙන් පැන් වීදුරුවක් තබන්න.
සුබ අංක – 3,6 / සුබ වර්ණ – සුදු, ක්‍රීම් / සුබ දවස් – බදාදා, සිකුරාදා
මිථුන
යහපත් සතියකි
සඳු ගමන් කරන්නේ 6,7,8,9 යන භාවයන් හරහාය. ආරම්භයේ ආවේගශීලිගති පැවතිය හැකි බැවින් ඉවසීමෙන් කටයුතු කිරීම වැදගත් වේ. ඉන් පසුව දින කිහිපය සමාජ සේවා පොදු වැඩවලට දායකත්වයක් ඇතිව තම ව්‍යාපාර කටයුතු ද හොඳින් කරගෙන යයි. පුණ්‍ය සිතුවිලි පලදරයි. විදේශගත වීම් යෙදෙයි. අපල අවම වීමට පංචශීලය රැකීමම ප්‍රමාණවත් වේ.
සුබ අංක – 3,5 / සුබ වර්ණ – කොළ / සුබ දවස – සිකුරාදා
කටක
මිශ්‍රපල ගෙන දෙයි
සඳු ගමන් කරන්නේ 5,6,7,8 යන භාවයන් හරහාය. දරුවන්ගේ යහපත් බලාපොරොත්තු සපල වීමේ ඉඩකඩ පෙන්වයි. එහෙත් දරුවන් සම්බන්ධ කටයුතුවලදී කල කිරීම් ඇති විය හැකි බැවින් මානසික සුවය සඳහා ධර්මයට නැඹුරු වන්න. ව්‍යාපාර ලාභ විදෙස් ගමන් යෙදිය හැකි සමාජීය පොදු වැඩ සිදු කෙරෙන දින කිහිපයකි. අපල අවම වීමට සුදු මල් පූජා කර පත්තිනි දේවියට පිං දෙන්න.
සුබ අංකය – 7/ සුබ වර්ණය – සුදු/ සුබ දවස – බදාදා
සිංහ
ගමන් බිමන් අධික වේ
සඳු ගමන් කරන්නේ 4,5,6,7 යන භාවයන් හරහාය. නිවසෙහි රැඳී සිටීමට නොහැකි තරම් ගමන් බිමන් යෙදෙයි. පදිංචි ස්ථානයේ දියුණුව පිණිස හෝ එවන් ස්ථාවරත්වයක් ඇති කර ගැනීමට වෙහෙස වෙයි. දරුවන්ගේ සහ ව්‍යාපාරික වැඩ ගැන ඉස්පහසුවක් නැති සතියක් වනු ඇත. අපල අවම වීමට ලෙඩුන්ට උදව් උපකාර කරන්න.
සුබ අංකය – 4 / සුබ වර්ණය – රතු / සුබ දවස් – ඉරිදා, අඟහරුවාදා
කන්‍යා
පවුලේ බැඳීම් වර්ධනය වේ
සඳු ගමන් කරන්නේ 3,4,5,6 යන භාවයන් හරහාය. සහජ හැකියාවන්ගෙන් පල ප්‍රයෝජන ගත හැකි පවුලේ බැඳීම් වැඩිකරන දින කීපයකි. පුණ්‍ය කටයුතු සිදු කරන අතර දරුවන්ගේ ඉගෙනීම යහපත වෙනුවෙන්ද කාලය කැප කරයි. සමහර විට හිත් දූෂ්‍ය වෙන සිදුවීම් මතු කරයි. ඉවසීමෙන් කටයුතු කරන්න. අපල අවම වීමට රතන සුත්‍රය කියන්න.
සුබ අංකය- 03/ සුබ වර්ණය- කොළ/ සුබ දවස – සිකුරාදා
තුලා
පදිංචි ස්ථානයේ දියුණුව
සඳු ගමන් කරන්නේ 2,3,4,5 යන භාවයන් හරහාය. වචනය පාලනය කර ගැනීම යහපතට හේතු වේ. මිල මුදල් ප්‍රවේශමෙන් වියහියදම් කරන්න. ව්‍යාපාරවලින් ලාභ ප්‍රයෝජන ගත හැකි දින කීපයකි. දරුවන්ගේ අධ්‍යාපනික ප්‍රගතිය ඇති කරයි. පදිංචි ස්ථානය පිළිවෙළකට ගොඩනඟා ගැනීම එහි දියුණුව අපේක්ෂාවෙන් යහපතෙහි නියැළේ.
සුබ අංක – 3,6 / සුබ වර්ණ – ලා නිල, රෝස/ සුබ දවස් – බදාදා, සිකුරාදා
වෘශ්චික
සහජ දක්ෂතා තුළින් පල ප්‍රයෝජන
සඳු ගමන් කරන්නේ ලග්නය 2,3,4 ය භාවයන් හරහාය. අත මිට මුදල් ගැවසිය හැකි මේ සතිය ඉවසීමෙන් කටයුතු කිරීම යහපතට හේතු වේ. ආවේගශීලී අවස්ථා පාලනය කර ගැනීමට උනන්දු වන්න. ගෙදර දොර දියුණුව සැලසේ. සහජ දක්ෂතා තුළින් පල ප්‍රයෝජන ගත හැක.
අපල අවම වීමට අභිසම්භිධාන පිරිත කියන්න.
සුබ අංක – 4,5 / සුබ වර්ණ – රතු/ සුබ දවස් – අඟහරුවාදා, බ්‍රහස්පතින්දා.
ධනු
ආර්ථිකය ශක්තිමත් වේ
සඳු ගමන් කරන්නේ 12, 1, 2, 3 යන භාවයන් හරහාය. ආරම්භය සිත් රිදීම් ඇති විය හැක. දෙවන තුන්වන දිනවලදී පොදු සමාජීය කටයුතු මෙන්ම පවුලේ වගකීම් නිසි ලෙස කරගෙන යාමට උනන්දු වෙයි. ඇසුරු කරන අය අතර ප්‍රසාදය දිනා ගනිමින් තම කාර්යයන් ඉටු කරයි. ආර්ථිකය ශක්තිමත් වේ. සහෝදර උදව් උපකාර ලබයි.
සුබ අංක – 3,5 / සුබ වර්ණ – කහ / සුබ දවස – ඉරිදා
මකර
ලැබීම් සහිතය
සඳු ගමන් කරන්නේ 11,12,1,2 යන භාවයන් හරහාය. ආරම්භය සතුටුදායකය. ලැබීම් සහිතය. සමාජීය වශයෙන් බොහෝ දෙනාගේ ප්‍රශංසාවලට ලක්වෙන පොදු වැඩවලදී සහයෝගයෙන් උදව් උපකාර කරන ගතියක් පෙන්නුම් කෙරේ. දුර ගමන් බිමන් යෙදෙන අවිවේකය තරමක් බලපවත්වන සතියකි. අපල අවම වීමට තිරිසන් සතුනට, පක්ෂීන්ට ආහාර ජලය දෙන්න.
සුබ අංක – 6, 8 / සුබ වර්ණය – නිල්/ සුබ දවස – සිකුරාදා
කුම්භ
මිශ්‍රඵල සහිතයි
සඳු ගමන් කරන්නේ 10, 11.12, 1 යන භාවයන් හරහාය. රැකියා සම්බන්ධ වැඩ සහ ගමන් බිමන් බහුල විය හැකි මෙන්ම කල කිරීම් ඇති කරයි. ලැබීම් සහ ආර්ථිකය ශක්තිමත් බවක් උසුලයි. දරුවන්ගේ යහපත් කටයුතු අධ්‍යපනය සුබඵල සහිතයි. විදෙස් ගමන් හෝ දුර ගමන් යෙදෙයි. අපල අවම වීමට සෞඛ්‍ය තත්ත්වය පිළිබඳ සැලකිලිමත් වීම ප්‍රමාණවත් වේ.
සුබ අංක – 8,9 / සුබ වර්ණ – නිල්/ සුබ දවස – සිකුරාදා
මීන
පුණ්‍ය කටයුතුවල නියැළෙයි
සඳු ගමන් කරන්නේ 9,10,11,12 යන භාවයන් හරහාය. සතිය ආරම්භයේ පුණ්‍ය සිතුවිලි සහිතව කටයුතු කරන්නට අවස්ථා යෙදෙයි. රැකියා ව්‍යාපාරවලින් ලාභ ප්‍රයෝජන ඇති දරුවන්ගේ අධ්‍යාපනික ප්‍රගතිය දැකිය හැකි සතියකි. කරන කියන වැඩ කටයුතු හා ගනුදෙනුවලදී ප්‍රවේශම් වන්න. අපල අවම වීමට ඉවසීමෙන් කටයුතු කරන්න.
සුබ අංක – 3,9 / සුබ වර්ණය – කහ/ සුබ දවස – බ්‍රහස්පතින්දා
