1.4K
RDB බැංකුව දශක හතරකට ආසන්න කාලයක් පුරා ක්‍රියාත්මක කරන පාසල් ඉතුරුම් ප්‍රවර්ධන වැඩසටහන යටතේ, 2024 නව වසරේ පාසල් වෙත ඇතුළත් වන නවක දූ දරුවන් සඳහා ඉතුරුම් ප්‍රවර්ධන වැඩසටහන් මේ දිනවල දිවයින පුරා ක්‍රියාත්මක වෙමින් පවතී.
එහි තවත් වැඩසටහනක් පසුගිය දා මාතර හිත්තැටිය ධර්මරාජ විදුහලේ දී පැවැත්විණි. එම උත්සවය සඳහා දකුණු පළාත් අධ්‍යාපන ලේකම් රංජිත් යාපා, මාතර කලාප අධ්‍යාපන අධ්‍යක්ෂ ඕමිනි මුදලිගේ, විදුහල්පති වී.ජි. තිලක් නයන වසන්ත ඇතුළු ආචාර්ය මණ්ඩලය සහභාගී විය. RDB බැංකුවේ දකුණු පළාත් ප්‍රාදේශීය සාමාන්‍ය අධිකාරී එම්.ඒ. ඥානරත්නගේ උපදෙස් මත එදින විදුහලේ දූ දරුවන් සඳහා විශේෂ ඉතුරුම් ප්‍රවර්ධන වැඩසටහන් මාලාවක් සංවිධානය කෙරිණි.
