– තැඹිලි හෝ පොල්තෙල්වලට 108 වරක් ජීවම්කර බල පිහිටුවා ගන්න
– ජීවම් කරගත් තෙල්වලින් උදේ සවස බුදු පහන දැල්වීම සෞභාග්‍ය උදා කරයි
– නි‌ෙවසේ සතර කොනේ පහන් දැල්වීමෙන් කරදර දුරුවේ
සිළුමිණ ඉසිවර පාඨක පින්වත් ඔබ වෙත මම අද දින ලබා දෙනු ලබන මෙම උතුම් ආරක්ෂක බුද්ධ මන්ත්‍රය “මහා සංකල්ප” ජීවම යනුවෙන් පැරණි යතිවරුන් විසින් ඉතා ගෞරවයෙන් භාවිතා කර ඇත. ලොව්තුරා බුදුබව පිණිස පිරූ දස පාරමිතාවන් ඇතුළත්ව ඇති මෙම “මහා සංකල්ප” ජීවම මහානුභාව සම්පන්න දෙවිවරුන්ගේ දේව ආකර්ෂණය ලැබීම සඳහා ඉතා බලගතු ජීවමකි.
පිරිසුදුව තමන් විසින්ම සිඳගනු ලබන තැඹිලි තෙල් හෝ පොල්තෙල්වලට 108 වරක් ජීවම් බල පිහිටුවාගෙන උදේ සවස බුදු පහන තබන ස්ථානයේ පහනක් දැල්වීම මහා දේව ආකරෂණය ලැබීමට හේතුවන අතර, ගෙවල්වල සහ භූමියේ ඇති මල යක්ෂ දෝෂ දුරු වී අපමණ සෞභාග්‍යයක් සැලසේ.
නි‌ෙවසේ හතරකොන පහන් දැල්වීම තුළින් බොහෝ කරදර ඇති බහිරව දෝෂ දුරුවේ.
මුල්ගල තබන අවස්ථාවක එම මුල්ගල මෙයින් 108 වතාවක් ජීවම් කර තැබීම අවුරුදු පන්සීයක් ආරක්ෂාවක් වන අතර, නිදන් වස්තු භාජනයත් හැකි වාර ගණනක් ජීවම් කර නි‌ෙවසේ මැද වහලයේ එල්ලා තැබීම නි‌ෙවසේ ආරක්ෂාවට බලවත්ම ගුරුකමකි. නිතර භාවිතයෙන් අපමණ සෙත සලසයි.
මහා සංකල්ප ජීවම බුද්ධ මන්ත්‍රය
ඉමං ත්වං පඨමංතාව දළහං කත්වා සමාධිය
දාන පාරමිතං ගච්ඡ යදි බොධිං පත්තු මිච්ඡසි
ඉමං ත්වං දුතියංතාව දහං කත්වා සමාධිය
සීලං පාරමිතං ගච්ඡ යදි බොධිං පත්තු මිච්ඡසි
ඉමං ත්වං තතියංතාව දළහං කත්වා සමාධිය
නෙක්ඛම්ම පාරමිතං ගච්ඡයදි බොධිංපත්තු මිචඡසි
ඉමං ත්වං චතුත්වංතාච දළහං කත්වා සමාධිය
පඤ්ඤාය පාරමිං ගච්ඡ යදි බොධිං පත්තු මිච්ඡසි
ඉමං ත්වං පංචමංතාව දළහං කත්වා සමාධිය
විරිය පාරමිතං ගච්ඡ යදි බොධිං පත්තු මිච්ඡසි
ඉමං ත්වං ශෂ්ඨමංතාච දළහං කත්වා සමාධිය
ඛන්තී පාරමිතං ගච්ඡ සම්බොධිං පාපුනිස්සසී
ඉමං ත්වං සත්තමංතාව දළහං කත්වා සමාධිය
සච්ච පාරමිතං ගත්වා සම්බොධිං පාපුනිස්සසි
ඉමං ත්වං අෂ්ටමංතාව දළහං කත්වා සමාධිය
අධිෂ්ඨාන පාරමිං ගත්වා සම්බොධිං පාපුනිස්සසි
ඉමං ත්වං නවමංතාච දළහං කත්වා සමාධිය
මෙත්තා පාරමිතං ගත්වා සම්බොධිං පාපුනිස්සසි
ඉමං ත්වං දසමංතාච දළහං කත්වා සමාධිය
උපෙක්ඛා පාරමිතං ගත්වා සම්බොධිං පාපුනිස්සසි
වාරියපොළ කොළඹගම ශ්‍රී මියුගුණාරාම රාජමහා විහාරාධිපති
නේපාලයේ ලුම්බිණි නුවර නේපාල ශ්‍රී ලංකා මහා විහාරයේ භාරකාර විහාරාධිපති සම්මානිත ආචාර්ය පූජ්‍යපාද ගල්ලැහැපිටියේ පේමරතන හිමි (කොළඹගම පොඩි හාමුදුරුවෝ)
